leopard and crocodile fight video: ‘शिकार करो या शिकार बनो’ हा जंगलात जगण्याचा नियम आहे. जर तुम्हाला शिकार करता येत नसेल, तर सुरक्षित राहण्याची कला शिकून घ्यायलाच हवी; अन्यथा तुमची काही खैर नाही. जंगलात कोणीही सुरक्षित नसतं. सोशल मीडियावर प्राण्यांशी संबंधित अनेक व्हिडीओ तुम्ही पाहिले असतील. हे व्हिडीओ कधी थरारक असतात; तर काही व्हिडीओ मजेदार असतात. त्यामध्ये आणखी एका व्हिडीओची भर पडली आहे.
बिबट्या आणि मगर यांच्या लढाईचा व्हिडीओ पाहून तुम्हीही अवाक् व्हाल. या व्हिडीओमध्ये तुम्ही पाहू शकता की, हे दोन्ही प्राणी एकापेक्षा एक आहेत. त्यातल्या प्रत्येकाचंच वेगळं अस्तित्व आहे. मगरही विशाल आहे; तर बिबट्या हादेखील जंगलातील अत्यंत खतरनाक शिकारी म्हणून ओळखला जातो. आता हे दोघे आमने-सामने आल्यावर शेवटी कोण जिंकलं तुम्हीच पाहा.
बिबट्यानं दाखवलं मगरीला आस्मान
या व्हिडीओमध्ये तुम्ही पाहू शकता, बिबट्या एका तळ्याशेजारी लपून बसला आहे. यावेळी याच पाण्यात मगर आहे आणि ती पाण्यातूनच पुढच्या देशेने जात आहे. मात्र आपली शिकारीसाठी कुणीतरी दबा धरून बसलंय याचा अंदाजही तिला नाही.पाण्यातून पुढे मार्गक्रमण करणारी मगर बिबट्याच्या जाळ्यात कशी फसते ते पाहा. या व्हिडीओमध्ये तुम्ही पाहू शकता, मगर जसजशी पुढे जाते तसा बिबट्याही पुढे जातो आणि पाण्यात उडी मारून मगरीवर हल्ला करतो. पुढे मगर बिबट्याला पाण्यात घेऊन जाते. आता तुम्हाला वाटत असेल बिबट्याची शिकार अखेर मगरीने केलीच, मात्र थांबा काही वेळातच बिबट्या आपली ताकद दाखवत मगरीला आस्मान दाखवतो. बिबट्या संपूर्ण ताकद लावून मगरीला आपल्या जबड्यात पकडून पाण्याबाहेर घेऊन जातो.
लाढईचा थरार
मगर आणि बिबट्याच्या लाढईचा थरारक व्हिडीओ पाहून तुमच्याही अंगावर काटा येईल. समोर आलेला व्हिडीओदेखील खूप भयावह असून हृदयाचा ठोका चुकवणारा व्हिडीओ आहे
पाहा व्हिडीओ
हेही वाचा >> विकेंडला ट्रेकिंगचा प्लॅन करण्याआधी ‘हा’ गर्दीचा भयानक Video पाहाच; सगळे प्लॅन कराल रद्द
सोशल मीडियात सध्या हा व्हिडीओ चांगलाच व्हायरल होत आहे, ज्यावर लोक वेगवेगळ्या प्रतिक्रिया देत आहे. हा व्हिडीओ @arrudabranco या इन्स्टाग्राम अकाऊंटवर शेअर करण्यात आला आहे. व्हिडीओला लाखोंच्या संख्येमध्ये लाईक शेअर मिळत आहे. लोक वेगवेगळ्या प्रतिक्रियाही यावर नेटकरी देत आहेत. यावर काही युजर्सनी प्रतिक्रियाही दिल्या. एका युजरने म्हंटलंय की, “बिबट्याच्या जिद्दीला सलाम”, तर दुसरा युजर म्हणतो, “म्हणून जास्त हवेत जायचं नाही.”
