Viral Video: तरस जंगलातील असा प्राणी आहे, जो बऱ्याचदा समूहामध्ये राहतो आणि शिकारीही समूहानेच करतो. सिंह, बिबट्या, वाघ यांसारखे हिंस्र प्राणीदेखील तरस प्राण्याला खूप घाबरतात. परंतु कधी कधी या तरसांचं त्यांच्याच समूहातील सदस्याबरोबर भांडण होतं. सध्या असाच एक व्हिडीओ सोशल मीडियावर व्हायरल होतोय.
सोशल मीडियावर जंगलातील प्राण्यांचे नवनवीन व्हिडीओ सातत्याने व्हायरल होत असतात. जंगलातील व्हायरल व्हिडीओ पाहण्यासाठी अनेक जण उत्सुक असतात. त्यात कधी एखादा हिंस्र प्राणी दुसऱ्या प्राण्याची शिकार करताना दिसतो; तर कधी प्राण्यांचे एकमेकांशी खेळतानाचे मजेशीर व्हिडीओ पाहायला मिळतात. हे व्हिडीओ क्षणार्धात व्हायरल होऊन लाइक्स मिळवतात.
भूक अशी गोष्ट आहे की, जी माणसाला किंवा कोणत्याही प्राण्याला स्वस्थ बसू देत नाही. मग भुकेसाठी लोक एखाद्याच्या तोंडातील घास पळवण्यापासून ते जीव घेण्यापर्यंत अशा कोणत्याही थराला जाऊ शकतात. केवळ माणूसच नव्हे, तर प्राणीही भूक भागवण्यासाठी काहीही करू शकतात. आता व्हायरल होत असलेल्या व्हिडीओमध्ये अशीच सत्य परिस्थिती पाहायला मिळत आहे.
या व्हायरल व्हिडीओमध्ये तुम्ही पाहू शकता की, दोन तरस शिकार केलेल्या झेब्रा प्राण्याचे मांस खाण्यावरून भांडत आहेत. यावेळी ते दोघे दोन्ही बाजूंनी मांस आपल्या आवाक्यात यावे यासाठी प्रयत्न करताना दिसत आहेत. त्या दोघांना असं भांडताना पाहून त्यांच्या समूहातील इतर प्राणीदेखील जवळ येऊन आयती शिकार मिळवण्याचा प्रयत्न करत आहेत. या व्हिडीओ पाहून तुमच्याही लक्षात येईल की, भूक माणसांमध्येच नाही तर प्राण्यांमध्येही स्वार्थ निर्माण करते.
पाहा व्हिडीओ
हा सोशल मीडियावर खूप चर्चेत असलेला हा व्हिडीओ यूट्यूबवरील @MacKrugerWildlifeVideos या अकाउंटवरून शेअर करण्यात आला आहे. त्यावर अनेक व्ह्युज आणि लाइक्स आल्या आहेत. तसेच अनेक नेटकरी यावर विविध कमेंट्स करताना दिसत आहेत.
एका युजरनं कमेंटमध्ये लिहिलंय, “नात्यात नेहमी स्वार्थ जिंकतो” दुसऱ्या युजरनं लिहिलंय, “मजेशीर व्हिडीओ” तिसऱ्या युजरनं लिहिलंय, “भयानक.”
