Jyoti Maurya Part 2: नवऱ्याने शेती विकून शिकवलं; सरकारी नोकरी लागताच तिने प्रियकराबरोबर राहणं पसंत केलं

अमित कुमारचे अर्चनासोबत २०११ मध्ये लग्न झाले होते. लग्नानंतर पत्नीने पतीकडे पुढे शिक्षण घेण्याचा हट्ट धरला. पत्नीची इच्छा पूर्ण करण्यासाठी पतीने गोरखपूरच्या राज पॅरामेडिकल नर्सिंग कॉलेजमध्ये तिचे अॅडमिशन करुन दिले. पुढे पत्नीच्या शिक्षणासाठी त्याने वडिलोपार्जित शेतीही विकली. मात्र पॅरामेडिकलचा अभ्यासक्रम पूर्ण केल्यानंतर पत्नीला नोकरी लागली, सरकारी नोकरी मिळताच आता पत्नीने पाठ फिरवली आहे. नोकरी मिळाल्यानंतर पत्नीने प्रियकरासह पतीविरुद्ध घटस्फोट आणि हुंड्यासाठी छळ केल्याचा गुन्हा दाखल केला आहे.

व्यवस्थापकाच्या पुतण्यासोबत पत्नीचे प्रेमसंबंध

पत्नी श्रावस्ती जिल्ह्यातील संयुक्त रुग्णालयात कर्मचारी म्हणून तैनात होती. नोकरी मिळाल्यानंतर अर्चनाची वागणूक बदलली, असा आरोप पतीने केला आहे. मीटिंगला जाताना अर्चना अमित कुमारपासून अंतर ठेवू लागली. त्यानंतर राज पॅरामेडिकल नर्सिंग कॉलेजच्या व्यवस्थापकाच्या पुतण्यासोबत पत्नीचे प्रेमसंबंध सुरू असल्याची माहिती त्याला मिळाली. अमितचा आरोप आहे की व्यवस्थापकाच्या पुतण्याने त्याच्या पत्नीला अभ्यासादरम्यान प्रेमाच्या जाळ्यात अडकवले. जेव्हा तो पत्नीला भेटायला कॉलेजला जायचा तेव्हा धनंजय मिश्रा तिला त्याच्या खोलीत भेटायचा. याबाबत पत्नीशी बोललो असता, तो तिचा मित्र असल्याचे ती सांगायची अशी माहिती अमितकुमार यांनी दिली आहे.

हेही वाचा – VIDEO: “हा पाकिस्तान नाही भारत आहे” सीमा हैदरचा बंद खोलीतील व्हिडीओ व्हायरल; नेटकरी संतापले

दरम्यान अमितकुमारने याबाबत बस्ती पोलिसांत पत्नीविरोधात तक्रार दाखल केली असून बस्ती पोलिसांनी अमित कुमार यांना न्याय देण्याचे आश्वासन दिले आहे.