काळाचौकीच्या आगमनाला वाजवलं असं गाण की सगळेच संतापले; VIDEO व्हायरल होताच सोशल मीडियावर जोरदार टीका

गणरायाच्या उत्सवात त्याची आराधना करताना हिंदी चित्रपट गाणी किंवा मराठीतील नको ती गाणी वाजवण्याचं प्रमाण हल्ली वाढलं आहे. या गाण्यांऐवजी भाव-भक्तिसंगीतातील गाण्यांवर भर देण्याचे आवाहन केले आहे. अनेकवेळा असं पाहायला मिळतं की, अश्लील आणि धांगडधिंगा असलेली गाणी वाजवली जातात. काळाचौकीच्या महागणपतीच्या आगमनातही असंच एक गाणं वाजवलं आणि त्यावरून नाराजगी व्यक्त केली गेली.

हे गाणं होतं “ही सुरेखा आपल्याला पटलेली हाय…” या गाण्यावर तरुणाईही थिरकताना दिसली. याचा व्हिडीओ सोशल मीडियावर व्हायरल झाला आणि नेटकरीही चांगलेच भडकले.

पाहा व्हिडीओ

हेही वाचा >> तुम्हीच सांगा साहेब बापाला सांगू कसं? MPSC आंदोलनात विद्यार्थीनीचं सरकारकडे साकडं; VIDEO पाहून डोळ्यात येईल पाणी

सोशल मीडियावर हा व्हिडीओ tanveeeeeeeee नावाच्या इन्स्टाग्राम अकाउंटवरून शेअर करण्यात आला असून व्हिडीओवर नेटकरी संतप्त प्रतिक्रिया देत आहेत. एकानं म्हटलं आहे, का हे गाणं वाजवावं वाटलं असेल? गाण्याचा आणि बाप्पाचा काय संबंध?” तर आणखी एका युजरने “सुरेखा पटलेली हाय वरती नाचणाऱ्या सगळ्यांनी बदलापूर, कोलकाता केसमुळे यावर्षी तरी एकही मिरवणूक काढायला नको होती”, असे म्हंटले आहे.

बाप्पाच्या आगमनाला जाण्याआधी हे वाचा

काळाचौकीमधील महागणपतीचे ११ ऑगस्ट रोजी मोठ्या उत्साहात भक्तांनी स्वागत केलं. हजारोंच्या संख्येने भक्त, तरुण मंडळी यावेळी एकत्र आली होती. मात्र, या गर्दीच्या उत्साहामागचं भीषण वास्तव तुम्ही पाहिलं तर पुन्हा कोणत्या आगमनाला जाण्याआधी शंभर वेळा विचार कराल एवढं नक्की. ज्या ठिकाणाहून गणपतीची मूर्ती आणली जातेय, त्या मार्गावर प्रचंड गर्दी आहे. लोकांना साधं उभं राहायलाही जागा नाहीये. अशातच चेंगरा-चेंगरीची शक्यता असताना तिथे जे घडलं ते अंगावर काटा आणणारं आहे. काही तरुणी गर्दीमध्ये चेंगरल्यामुळे त्यांना श्वास घ्यायला त्रास होऊ लागला. अशात गर्दीमुळे काहीच करता येत नव्हतं, तरी काही जणांनी तरुणींना तिथून बाहेर काढण्याचा प्रयत्न केला.