अयोध्येतच नाही, तर महाराष्ट्रातील ‘या’ मंदिरात आहे श्रीरामाची कृष्णवर्णीय मूर्ती; मोदींनीही घेतले आहे दर्शन

काळाराम मंदिर का आहे खास?

काळाराम मंदिराचे नाव देवाच्या कृष्णवर्णीय मूर्तीवरून घेण्यात आले आहे. कालांतराने याचे शाब्दिक भाषांतर ‘काळा राम’ असे झाले. या मंदिराच्या गर्भगृहात भगवान श्रीरामाव्यतिरिक्त सीता व लक्ष्मण यांच्या मूर्ती आहेत. त्याचबरोबर मुख्य गेटवर भगवान हनुमानाची कृष्णवर्णीय मूर्ती आहे.

पंतप्रधान मोदींनी हेलिकॉप्टरमधून टिपला अयोध्येतील अद्भूत नजारा; पाहा VIDEO

श्री काळाराम मंदिर संस्थानाच्या वेबसाइटवरील महितीनुसार, हे मंदिर १७९२ मध्ये सरदार रंगाराव ओढेकर यांच्या प्रयत्नांतून बांधले गेले. असे म्हणतात की, सरदार ओढेकर यांना गोदावरीत रामाच्या कृष्णवर्णीय मूर्तीचे स्वप्न पडले होते. त्यानंतर त्यांनी या मूर्ती नदीतून बाहेर काढल्या आणि मंदिरात विराजमान केल्या. ज्या ठिकाणी मूर्ती सापडल्या, त्या ठिकाणाचे नाव रामकुंड असे होते. येथे श्रीरामाची दोन फुटी मूर्ती स्थापित आहे. हे मंदिर बांधण्यासाठी सुमारे १२ वर्षे लागली.

मंदिरात सध्या आहेत १४ पायऱ्या

श्री काळारामाच्या मुख्य मंदिराला १४ पायऱ्या आहेत. या पायऱ्या श्रीरामाच्या १४ वर्षांच्या वनवासाचे प्रतिनिधित्व करतात. त्याचबरोबर या मंदिरात ८४ खांब आहेत; जे ८४ लाख प्रजातींचे चक्र दर्शवतात. जो माणूस म्हणून जन्माला येण्यासाठी पूर्ण करावा लागतो, त्याशिवाय येथे एक खूप जुने झाड आहे. त्या झाडाखाली दगडावर भगवान दत्तात्रेयांच्या पावलांचे ठसे आहेत.

VIDEO : राम आयेंगे… न्यूयॉर्कच्या टाइम्स स्क्वेअर चौकात ढोल-ताशांचा गजर; भारतीय राम भजन अन् नाचण्यात दंग!

पंचवटी विशेष का आहे?

नाशिकचे पंचवटी हे विशेष स्थान आहे. कारण- आपल्या वनवासाच्या काळात भगवान श्रीरामांनी पंचवटीच्या दंडक जंगलात झोपडी बांधली होती आणि तेथे काही दिवस वास्तव्य केले होते, अशी आख्यायिका सांगितली जाते. येथे पाच वटवृक्ष आहेत. त्यामुळे याला पंचवटी म्हणतात. याच ठिकाणी लक्ष्मणजींनी शूर्पणखाचे नाक कापले होते. तसेच रावणाने माता सीतेचे अपहरण केले होते, असेही सांगितले जाते.

काळाराम मंदिर कुठे आहे?

नाशिकच्या पंचवटी तीर्थक्षेत्रात भगवान श्रीरामाचे मंदिर आहे. तुम्ही येथे बस, ट्रेन, विमानाने जाऊ शकता.

काळाराम मंदिरात दर्शनाची वेळ

काळाराम मंदिराला दररोज सकाळी ५ ते रात्री १० पर्यंत भेट देता येते.