ढाब्यामधील कामगारचं पीठ मळताना किळसवाणं कृत्य! Video पाहून तुम्ही ढाब्यावर जेवताना कराल १०० वेळा विचार

बहुतेक ढाब्यांमध्ये ओपन किचनची सुविधा असते. ज्यामुळे ढाब्यावर येणाऱ्या लोकांना तिथे जेवण कशापद्धतीने बनवले जाते, स्वच्छता पाळली जातेय की नाही याची पाहणी करता येते. व्हायरल व्हिडीओतही एक व्यक्ती तेच करतोय, तो एका ढाब्यावर जेवणासाठी गेला होता यावेळी तिथे एक कामगार बाहेर पीठ मळत होता. पण त्याची पीठ मळण्याची अतिशय घाणेरडी पद्धत पाहून व्यक्तीने त्याचा व्हिडीओ शूट केला. व्हिडीओ शूट करत तो सांगतोय की, हा ढाबा कानपूरमधील प्रयागराज रोडवर आहे.

व्हिडीओत तुम्ही पाहू शकता की, एका ढाब्यात अनेक लोक जेवण्यासाठी बसलेत. यावेळी ढाब्याबाहेर एक कामगार मोठ्या भांड्यात दोन हातांनी पीठ मळतोय. पण पीठ मळण्यासाठी तो कुठल्या स्वच्छ भांड्यातील पाणी वापरत नाही, तर चक्क जमिनीवर पडलेलं घाणेरडं पाणी पीठात मिसळताना दिसतोय, अशाप्रकारे त्याने जमिनीवर पडलेलं अतिशय घाणेरडं पाणी त्याने हाताने उचललं आणि त्यानेच पीठ मळू लागला. यावरुन तुम्ही अंदाज लावू शकता की किती घाणेरड्या पद्धतीने या ढाब्यावर जेवण बनत असेल, हे दृश्य पाहून व्हिडीओ शूट करणारा व्यक्ती कामगाराच्या जवळ गेला आणि त्याला विचारले की, “तू घाणेरड्या पाण्यात पीठ का मळत आहेस, हे तू बरोबर करतोयस का?”. या प्रश्नावर तो कामगार “चुकीचे आहे” असे उत्तर देतो. यानंतर पुढचं काही न ऐकता तिथून तो निघून जातो.

ढाब्याबाहेरील हा घाणेरडा व्हि़डीओ @kamal_giri_maharaj नावाच्या इन्स्टाग्राम अकाउंटवरुन पोस्ट करण्यात आला आहे. जो आत्तापर्यंत लाखो लोकांनी पाहिला. पण या व्हिडीओचे कमेंट सेक्शन बंद करुन ठेवलं आलं आहे. त्यामुळे या व्हिडिओवर लोकांकडून कोणतीही प्रतिक्रिया आलेली नाही.