Animal Attack Video: सोशल मीडियावर नेहमीच काही ना काही व्हायरल होत असतं. बऱ्याचदा सोशल मीडियावर काही चित्र-विचित्र व्हिडीओ व्हायरल होतात; तर कधी मजेशीर व्हिडीओ व्हायरल होत असतात. या पृथ्वीतलावर निरनिराळ्या प्रकारचे प्राणी राहतात. प्राण्यांच्या हल्ल्यांचे अनेक व्हिडीओ समोर येत असतात. कधी ते माणसांवर हल्ले करतात; तर कधी ते इतर प्राण्यांवर हल्ला करून आपलं पोट भरतात. प्राण्यांच्या लढाईच्या अशा अनेक घटना समोर येत असतात. अशात एका महाकाय सरड्याचा व्हिडीओ समोर आलाय. हा व्हिडीओ पाहिल्यावर तुमच्या अंगावर काटा आल्याशिवाय राहणार नाही. तुम्ही आजपर्यंत अनेक सरडे पाहिले असतील किंवा त्यांच्याविषयी ऐकलं असेल. जगभरात असे अनेक सरडे आहेत. सध्या समोर आलेला सरडा मात्र काही वेगळा आहे. तुम्ही कधी सरड्यानं हरणाच्या बछड्याला खाताना पाहिलं आहे का? तुम्ही हे दृश्य पाहिलं नसेल, तर हा व्हिडीओ तुम्हाला घाबरवेल. समोर आलेले प्रकरण खूप जुनं आहे. नेमकं ठिकाण स्पष्ट झालेलं नाही. परंतु, ३० सेकंदांच्या या व्हायरल व्हिडीओमध्ये, एक मोठा सरडा (कोमोडो ड्रॅगन) एका लहान प्राण्याला त्याचं जेवण बनविताना दिसत आहे. हा महाकाय सरडा जमिनीवर पडलेल्या मृत हरणाच्या बाळाला तोंडानं उचलतो आणि नंतर दोन-तीन घासांत त्याला संपूर्णपणे गिळतो. या व्हिडीओमध्ये तुम्ही पाहू शकता की, हरणाचा एक मृत बछडा जमिनीवर पडला आहे. तेवढ्यात एक भलामोठा सरडा तिथे येतो अन् तो केवळ ३० सेकंदांतच त्याला फस्त करतो. हा धक्कादायक क्षण काही लोकांनी कॅमेऱ्यात चित्रित केला; ज्याचा व्हिडीओ इंटरनेटवर वेगाने पसरत आहे. (हे ही वाचा : पाण्यात माशाची चलाख चाल अन् पक्ष्याचा शेवट; माशानं असं काय केलं? पाहा Video ) हा व्हिडीओ सर्व सोशल मीडिया प्लॅटफॉर्मवर शेअर केला जात आहे; तो पाहून शेकडो वापरकर्त्यांनी प्रतिक्रिया दिल्या. हे दृश्य पाहून बहुतेक युजर्स आश्चर्यचकित झाले; तर काहींनी तो डायनासॉरसारखा दिसत असल्याचं सांगितलं. या प्राण्याचे वजन किती? कोमोडो ड्रॅगनला कोमोडो मॉनिटर लिझार्डदेखील म्हणतात. ते कोमोडो, रिंका, फ्लोरेस, गिली मोटांग व गिली दसामी या इंडोनेशियन बेटांवर आढळतात. आकारानं सरड्यांची ही सर्वांत मोठी प्रजाती आहे. त्यांची लांबी ३.५ मीटर आणि ७० किलोपर्यंत याचे वजन असते. येथे पाहा व्हिडिओ 'पृथ्वीवरील सर्वात वजनदार सरडा' कोमोडो ड्रॅगन 'पृथ्वीवरील सर्वात वजनदार सरडे' म्हणून ओळखले जातात. ते कधीकधी हरण, डुक्कर, लहान ड्रॅगन आणि अगदी पाणथळ म्हशींची शिकार करतात. या प्राण्याला पाहूनच अनेकांच्या मनात धडकी भरते.
