स्वतःशीच लग्न करणाऱ्या गुजरातच्या क्षमा बिंदू या मुलीने नुकताच आपला पहिला करवा चौथ साजरा केला. तिच्या या करवा चौथ सेलिब्रेशनमुळे ती सध्या चर्चेत आहे. क्षमाने यासंबंधीची पोस्ट आपल्या सोशल मीडिया अकाउंटवर केली आहे. यामध्ये तिने लाल रंगाची साडी नेसलेली दिसत आहे. क्षमा आपल्या आयुष्याशी निगडित अनेक फोटो आपल्या सोशल मीडियावर शेअर करत असते. पण सध्या तिने करवा चौथसाठी जे कॅप्शन लिहिलंय त्याने सर्वांचंच लक्ष वेधून घेतलंय.
क्षमाने आपल्या इन्स्टाग्राम अकाउंटवर एक पोस्ट केली आहे. यामध्ये ती नव्या नवरीप्रमाणे नटलेली दिसतेय. तिने स्वतःला आरशात पाहून करवा चौथचा व्रत सोडला. यावेळी तिने आरशाच्या मदतीने स्वतःला चाळणीतून पाहिले आणि स्वतःला घास भारावला. तिने आपल्या पोस्टच्या कॅप्शनमध्ये म्हटलंय, “आज मी पहिला करवा चौथ साजरा केला. जेव्हा मी स्वतःला आरश्यातून पाहिले, तेव्हा मला माझा हरवलेला अभिमान दिसला. करवा चौथच्या शुभेच्छा”
Viral Video : वडिलांना Swiggy मध्ये नोकरी लागल्यावर मुलीचा आनंद गगनात मावेना; केलं असं काही की…
९ जूनला क्षमाने स्वतःशीच लग्न केलं. राहत्या घरामध्ये मोजक्या मित्रपरिवाराच्या उपस्थितीत हा अनोखा लग्नसोहळा पार पडला. यावेळी तिने स्वतःच्या भांगेत कुंकू भरले आणि स्वतःलाच मंगळसूत्रही घातले. लग्नाच्या आधी तिने हळद, मेहंदी अशा विधीही पूर्ण केल्या. त्यावेळी क्षमाचे फोटो आणि व्हिडीओ मोठ्या प्रमाणावर व्हायरल झाले होते.
Viral Video: जिराफच्या पिल्लावर सिंहिणीचा अचानक हल्ला; आईने जीवाची पर्वा न करता केला जबरदस्त पलटवार!
खरंतर क्षमा ११ जूनला स्वतःशी लग्न करणार होती. मात्र, आपल्या लग्नात कोणतीही अडचण येऊ नये, यासाठी तिने ९ जूनलाच आपल्या घरातच गुपचूप लग्न उरकले. क्षमा स्वतःशी लग्न करून खूपच खुश आहे. तथापि, तिला यासाठी खूप मोठी किंमत मोजावी लागली आहे. अनेकांनी तिला यावरून ट्रोलही केले. क्षमानेही आरशासमोर स्वतःचे चुंबन घेतानाचा फोटो शेअर करून स्वतःवरील प्रेम व्यक्त केले होते.
