आयफोनमुळे लास वेगास हल्ल्यात वाचला महिलेचा जीव

अमेरिकेत लास वेगासमध्ये नुकत्याच झालेल्या गोळीबारात ५९ नागरिकांचा मृत्यू झाला होता तर ५०० हून अधिक जण जखमी झाले होते. ‘डेली मेल’ने दिलेल्या वृत्तानुसार, या अंदाधुंद गोळीबारात एका महिलेच्या दिशेने आलेली गोळी तिच्या आयफोनवर आदळली आणि तिचा जीव वाचला. गोळी लागल्याने आयफोनची मागची बाजू पूर्णपणे फुटली आहे. या फुटलेल्या आयफोनची छायाचित्रे सोशल मीडियावर व्हायरल झाली आहेत. या छायाचित्रांमध्ये एक व्यक्ती गोळी लागलेला आयफोन हातात धरून उभी आहे. या आयफोनची अवस्था पाहता गोळीच्या वेगाची कल्पना येऊ शकते. या आयफोनने महिलेचा जीव वाचवला, असे म्हटल्यास वावगे ठरणार नाही.