कार निर्माता म्हणून टेस्ला तिच्या पूर्णपणे स्वायत्त वाहनांसाठी जागतिक स्तरावर प्रसिद्ध आहे जी तिच्या कारना पूर्णपणे स्वयं-ड्रायव्हिंग क्षमता (FSD) देते. पण मानवी हस्तक्षेपाची आवश्यकता नसलेल्या FSD कारच्या व्यवहार्यता आणि सुरक्षिततेबद्दल बराच काळ वादविवाद सुरू आहे आणि तो अजूनही कायम आहे. टस्ला भारतात त्यांची कार लॉन्च करणार आहे, ज्यामध्ये सेल्फ-ड्रायव्हिंग क्षमतांचा समावेश आहे. मॉडेल एस आणि मॉडेल वाय लवकरच उपलब्ध होण्याची अपेक्षा आहे आणि मॉडेल ३ डिसेंबर २०२५ मध्ये उपलब्ध होण्याची शक्यता आहे. या वाहनांमध्ये ऑटोपायलट आणि फुल सेल्फ-ड्रायव्हिंग (पर्यवेक्षित) क्षमतांसह प्रगत ड्रायव्हर असिस्टन्स सिस्टम आहेत. भारतात या कारबाबत अनेकांना उत्सूकता आहे. दरम्यान अमेरिकेतली एका टेस्ला कार मालकाचा व्हिडिओ सध्या चर्चेत आला आहे. व्हिडीओमध्ये तो त्याला टेस्ला कारला अशा नवीन ठिकाणी घेऊन जाण्यास सांगतो जिथे तो कधीही गेला नाही. त्यानंतर टेस्ला कार त्याला ज्या ठिकाणी घेऊन जाते ते पाहून नेटकऱ्यांना हसू येत आहे. या घटनेचा व्हिडिओ सोशल मीडियावर व्हायरल झाला. तो इतका मजेदार होता की, एलॉन मस्कलाही हसण्यापासून रोखता आले नाही.
अमेरिकेतील टेस्ला मालक झॅक जेनकिन्स यांनी त्यांच्या कारच्या फुल सेल्फ-ड्रायव्हिंग (FSD) वैशिष्ट्याची चाचणी एका साध्या व्हॉइस कमांडसह करण्याचा निर्णय घेतला: “मला अशा ठिकाणी घेऊन जा जिथे मी कधीही गेलो नाही.” कार त्याला एका नवीन रेस्टॉरंटमध्ये घेऊन जाईल अशी अपेक्षा करत होता पण त्याच्या टेस्ला कार त्याला एका जीमच्या बाहेर घेऊन जाते जिथे तो कधीही गेला नाही असे या कारला वाटत होते. जीम बाहेर कार पोहचल्याचे पाहून त्याला आणि त्याच्या पत्नीला हसू आवरले नाही. कार देखील आपल्या लठ्ठपणाची मस्करी करत आहे हे पाहून तो थक्क झाला होता,
हा सर्व प्रकार त्याच्या पत्नीने व्हिडीओमध्ये रेकॉर्ड केलेला आणि नंतर तो इंस्टाग्रामवर शेअर केला. टेस्ला कारची कमाल पाहूनजेनकिन्स आणि त्याची पत्नी हेली अविश्वासाने हसताना दिसत होते कारण कार आत्मविश्वासाने त्याच्या अनपेक्षित डेस्टिनेशनकडे जात होती.
हे जोडपे अनेकदा ऑनलाइन हलक्याफुलक्या क्लिप्स शेअर करतात, पण या क्लिप्सकडे टेस्लाचे बॉस एलॉन मस्क यांचे लक्ष वेधले गेले.
ही क्लिप लवकरच विविध सोशल मीडिया प्लॅटफॉर्मवर पोहोचली. X वर आल्यानंतर, मस्कने व्हिडिओवर हसणारा इमोजी देऊन प्रतिक्रिया दिली.
झॅक जेनकिन्सच्या विनोदी प्रयोगामुळे टेस्लाच्या FSD शी संबंधित मनोरंजक वास्तविक-जगातील चाचण्यांच्या वाढत्या यादीत भर पडली आहे. नावाप्रमाणे हे फिचर, खरोखर स्वायत्त नाही. ते ड्रायव्हर असिस्टन्स तंत्रज्ञानाच्या लेव्हल २ अंतर्गत येते, म्हणजे कार स्वतःच स्टीअरिंग व्हिल हाताळू शकते, कारचा वेग वाढवू शकते आणि ब्रेक वापरू परंतु तरीही त्यावर नेहमीच ड्रायव्हरचे लक्ष असण्याची आवश्यकता असते.