lightning Strike On Mecca Clock Tower Video Viral : पावसाळी हंगामात सोसाट्याच्या वाऱ्यामुळे वादळ घोंघावत असतं. इतकच नव्हे तर वीज कोसळण्याच्या घटनाही घडतात. सौदी अरेबियाच्या मक्का क्लॉक टॉवरवर अचानक वीज कोसळण्याची घटना घडल्याचं समजते आहे. कारण रात्रीच्या अंधारात या मक्का टॉवरवर वीज कोसळल्याचं थरारक दृष्य कॅमेरात कैद झालं असून व्हिडीओ सोशल मीडियावर प्रचंड व्हायरल झाला आहे. वीज थेट क्लॉक टॉवरवर कशाप्रकारे कोसळते आणि त्यानंतर काय घडतं हे पाहून तुम्हीही थक्क झाल्याशिवाय राहणार नाहीत.
हा धक्कादायक व्हिडीओ @arsalantweets1 नावाच्या यूजरने ट्वीटर अकाऊंटवर शेअर केला आहे. व्हिडीओत तुम्ही पाहू शकता की, पाऊस पडत असताना अचानक वीज कोसळते आणि बघता बघता संपूर्ण आकाशात प्रकाश निर्माण होतो. व्हिडीओतील हे दृष्य खूप भीतीदायक असल्यासारखं वाटतं. सगळीकडे पाऊस पडत असल्याचं या व्हिडीओत पाहायला मिळत आहे. त्याचदरम्यान आकाशात निर्माण झालेली वीज थेट टॉवरवर कोसळते. वीज कोसळ्यानंतर चहूबाजूला वीजेच्या छटा प्रकाशित झाल्याचं व्हिडीओत पाहायला मिळत आहे.
इथे पाहा थरारक व्हिडीओ
हा व्हिडीओ शेअर करत कॅप्शनमध्ये म्हटलंय, मक्का येथे काल घडलेली घटना. २२ सेकंदाचा हा व्हिडीओ सोशल मीडियावर धुमाकूळ घालत असून नेटकरी वेगवेगळ्या प्रतिक्रियांचा वर्षाव करत आहेत. मक्काच्या टॉवरवर वीज पडल्याची घटना पहिल्यांदाच घडली नाहीय. याआधीही ऑगस्ट २०२२ मध्ये अशाच प्रकारचा व्हिडीओ इंटरनेटवर व्हायरल झाला होता. हा व्हिडीओ पाहून अनेकांना आश्चर्याचा धक्का बसला आहे.
