Little Boy Viral Video : मुलं ही देवाघरची फुलं असतात, असं म्हणतात. खरंच किती निरागस असतात ही मुलं…लहान मुलांना बघताक्षणीच मनं कसं प्रसन्न होऊन जातं. त्यांचे बोबडे बोल, ते निरागस प्रश्न त्यांची एखादी कृती आपल्याला जग विसरायला लावतं. लहान मुलांचे सोनेरी क्षण हे प्रत्येक आई वडिलांसाठी मोलाचे असतात. असाच एक निरागस आणि गोंडस मुलाचा व्हिडीओ सध्या सोशल मीडियावर व्हायरल झाला आहे. हा व्हिडीओ नेटकऱ्यांचं लक्ष वेधून घेतं आहे. हा व्हिडीओ पाहून तुम्हालाह हसू आवरणार नाही.
गणपती बाप्पा हे सगळ्यांचेच फेव्हरेट आहेत. अगदी लहान चिमुकल्यांपासून ते थोऱ्यामोठ्यांपर्यंत गणपती बाप्पावर सगळ्यांची श्रद्धा आहे. असाच एक चिमुकला गणपती बाप्पाचं दर्शन घ्यायला आलं आणि काय झालं पाहा. आत्ताच पावासाळा सुरु झाला आहे, सर्वत्र मनसोक्त बरसत आहे. अशातच या चिमुकल्याला घेऊन पालक बाप्पाच्या दर्शनाला गेले. या व्हिडीओमध्ये तुम्ही पाहू शकता मोकळ्या परीसरात गणपती बाप्पाची भलीमोठी मुर्ती उभी आहे, पाऊस पडतोय. अशातच या लहान मुलाने रेनकोट घातला आहे, यावेळी त्याला एक प्रश्न पडतो आणि तो त्याच्या वडिलांना विचारतो, बाबा “रेनकोट कुठंय बाप्पाचं?” या निरागस चिमुकल्याचा हा भाबडा प्रश्न एकून त्याचे बाबाही हसू लागतात आणि बाप्पाला नसतो रेनकोट असं उत्तर देतात. हा या लहान मुलाचा निरागसपणा पाहून नेटकरीही खूश झाले आहेत.
पाहा व्हिडीओ
हेही वाचा – चिमुकल्याच्या हातात दिलं लोडेड पिस्तूल; खेळणं समजून वडिलांवरच झाडली गोळी! Video पाहून उडेल थरकाप
लहान बाळांच्या गोड आणि खट्याळ बोलण्याने तसेच त्यांच्या निरागसतेचे नेटकरीसुद्धा वेडे होतात. कदाचित याच कारणामुळे छोट्या बाळांचे मजेदार व्हिडीओ अपलोड केले जातात. सोशल मीडियावर लहान मुलांचे व्हिडीओ मोठ्या प्रमाणात पाहिले जातात. हे व्हिडीओ पाहून दिवसभराचा थकवा नाहीसा होतो आणि आपल्या चेहऱ्यावर स्मित हास्य येतं. एका चिमुकल्याने सध्या नेटकऱ्यांचं लक्ष वेधून घेतलं आहे.
