Nitish kumar viral video: लोकसभा निवडणुकीचे सुरुवातीचे कल हाती येऊ लागले आहेत. यामधील सर्वात मोठी घडामोड घडत असून याच पार्श्वभूमीवर सोशल मीडियावर मीम्स, वेगवेगळे व्हिडीओ तुफान व्हायरल होत आहेत. हे मीम्स पाहून आणि लोकांची क्रिएटिव्हीटी पाहून तुम्हीही पोट धरु हसाल. नितीश कुमार यांनी भाषणात केलेल्या एका उल्लेखामुळे खुद्द मोदींसह इतर मान्यवरांना आश्चर्याचा धक्काच बसला. नितीश कुमार यांचा हा व्हिडीओ पाहून तुम्हीही पोट धरुन हसाल.
“आणि नरेंद्र मोदी पुन्हा मुख्यमंत्री झाले पाहिजेत.”
बिहारमधील पटना साहिब लोकसभा मतदारसंघातील दनियावन येथे मुख्यमंत्री नितीश कुमार यांनी निवडणूक प्रचार सभेला संबोधित केले. यावेळी नितीश कुमार यांची जीभ घसरली. ते म्हणाले की, “आम्हाला बिहारमधील सर्व ४० आणि देशभरातील ४०० हून अधिक जागा जिंकायच्या आहेत. आणि नरेंद्र मोदी पुन्हा मुख्यमंत्री झाले पाहिजेत.” या कार्यकर्ते तसेच स्टेजवर असणाऱ्यांमध्ये एकच हशा पिकला.
लोकसभा निवडणुकीच्या निकालात सकाळपासून हाती येणाऱ्या कलांनुसार भाजपाला मोठा फटका बसला आहे. भाजपाला गेल्या दहा वर्षांत पहिल्यांदा बहुमतापेक्षा कमी आकडा मिळाला आहे. यामुळे सरकार स्थापन करण्यासाठी एनडीएच्या घडक पक्षांवर म्हणजेच जेडीयू आणि टीडीपीवर अवलंबून राहावं लागेल.भाजपला स्वबळावर बहुमत मिळालं नाही तर नितीश कुमार यांची भूमिका निर्णायक ठरणार आहे. तर दुसरीकडे एनडीच्या नेत्यांनी उद्या दिल्लीत बैठकीचं आयोजन केलं आहे.
पाहा व्हिडीओ
हेही वाचा >> VIDEO: साताऱ्यात पवारांच्या बालेकिल्ल्याला सुरुंग! उदयनराजेंना कोसळलं रडू; नेमकं काय घडलं जलमंदिर पॅलेसमध्ये?
या सगळ्यात नेमकं पारडं कुणाचं जड होतं आणि नीतीश कुमार एनडीएसोबत राहतात की आपलं मत बदलतात ते पुढच्या अजून काही तासांच चित्र स्पष्ट होईल, सध्या तरी नीतीश कुमार यांनी एनडीएसोबत राहणार असल्याची भूमिका घेतली आहे, असं असलं तरी राजकीय वर्तुळात मात्र कुजबुज कायम आहे.
हा व्हिडीओ @bindass_ladki नावाच्या एक्स अकाऊंट वरुन शेअर केला असून नेटकरी मात्र या व्हिडीओवर वेगवेगळ्या प्रतिक्रिया देत आहेत.
