Ludhiana Protest Fact Check Video : पंजाबच्या अमृतसरमधील डॉ. बाबासाहेब आंबेडकर यांच्या पुतळ्याच्या तोडफोडीच्या निषेधार्थ मंगळवारी लोकांनी लुधियानातील जालंधर बायपास रोखला. जालंधर-लुधियाना राष्ट्रीय महामार्गावर निदर्शक मोठ्या संख्येने जमले.
अशात एक्स (पूर्वीचे ट्विटर) वर एक व्हिडीओ मोठ्या प्रमाणात शेअर केला जात आहे. ज्यात दावा केला जात आहे की, हा व्हिडीओ लुधियानामधील निषेध मोर्चाचा आहे, ज्यात हजारो लोक निषेध व्यक्त करताना दिसतायत. पण, खरंच व्हायरल होणारा व्हिडीओ लुधियानातील आहे का याविषयीचे सत्य जाणून घेऊ…
काय होत आहे व्हायरल?
एक्स युजर तरुण जाटवने दिशाभूल करणाऱ्या दाव्यासह व्हिडीओ शेअर केला.
इतर युजरदेखील त्याच दाव्यांसह व्हिडीओ शेअर करत आहेत.
तपास :
व्हिडीओमधून मिळालेल्या कीफ्रेम्सवर रिव्हर्स इमेज सर्च करून आम्ही तपास सुरू केला.
आम्हाला यावेळी सहा वर्षांपूर्वी ‘शिवाय धुळे’ या यूट्यूब चॅनेलवर अपलोड केलेला असाच एक व्हिडीओ आढळला.
कॅप्शनमध्ये म्हटले आहे : औरंगाबाद महामोर्च (Aurangabad mahamorch) जय भीम
व्हिडीओमध्ये दिसणाऱ्या छत्रपती शिवाजी महाराजांच्या पुतळ्याद्वारे आम्हाला व्हिडीओमध्ये दिसणारे अचूक स्थान सापडले.
https://www.google.com/maps/@19.8734238,75.3287267,3a,75y,214.56h,107.82t/data=!3m7!1e1!3m5!1s81XRb QXbb_z2eMm2pZgcIg!2e0!6shttps:%2F%2Fstreetviewpixels-pa.googleapis.com%2Fv1%2Fthumbnail%3Fcb_client %3Dmaps_sv.tactile%26w%3D900%26h%3D600%26pitch%3D-17.816313260934038%26panoid%3D81XRbQXbb_z2eMm2pZgcIg%26yaw%3D214.5643971347092!7i13312!8i6656?entry=ttu&g_ep=EgoyMDI1MDEyNy4wIKXMDSoASAFQAw%3D%3D
व्हायरल व्हिडीओमध्ये दिसत असल्याप्रमाणे, त्याच्या दोन्ही बाजूला उड्डाणपूल होते.
निष्कर्ष :
छत्रपती संभाजीनगर (पूर्वी औरंगाबाद) येथील एका रॅलीचा सहा वर्षे जुना व्हिडीओ आता पंजाबमधील लुधियानातील निषेध मोर्चाचा असल्याचा दावा करत शेअर केला जात आहे, त्यामुळे व्हायरल दावा दिशाभूल करणारा आहे.
