लोकसत्ता गणेशोत्सव क्विझच्या विजेत्यांचा सन्मान

यशस्वी स्पर्धकांची नावं अशी आहेत- संजय मोडखारकर, मुग्धा मेढेकर, मोहन ओसवाल, राधिका भोसले, रवींद्र पवार, नवनाथ कीर्तने, योगेश कतारे, प्रतीक राजूरकर, राजीव महामूनकर आणि रावसाहेब चौगुले यांना सन्मानित करण्यात आलं.

क्विझच्या निमित्ताने गणपतीशी निगडीत गोष्टी, पूजाविधी, आख्यायिका यावर आधारित प्रश्न विचारण्यात आले होते. अचूक उत्तरांसह वाचकांनी गणपतीसंदर्भात अभ्यासपूर्ण वाचक असल्याचं सिद्ध केलं.

लोकसत्ता ऑनलाइनच्या वाचकांनी या क्विझला अतिशय उत्साहाने प्रतिसाद दिला. क्विझमधील सगळ्या प्रश्नांची अचूक उत्तरं असंख्य वाचकांनी दिली. कमीत कमी वेळेत उत्तरं देणाऱ्या १० वाचकांची विजेते म्हणून निवड करण्यात आली आहे. यापुढेही आकर्षक बक्षीसांसह सादर होणाऱ्या क्विझला तुमचा असाच प्रतिसाद असेल याची खात्री वाटते.

लोकसत्ता ऑनलाइनने याआधी क्रिकेट वर्ल्डकप, नवरात्र अशा विविध निमित्ताने आयोजित क्विझलाही वाचकांनी उत्तम प्रतिसाद दिला होता.