बापरे! कुंभमेळ्यात साधू महाराजांनी घेतली समाधी? त्याआधी काय काय केलं जातं पाहा; VIDEO होतोय तुफान व्हायरल

२०२५ चा हा महाकुंभ मेळा खूप खास असल्याचे म्हटले जात आहे. कारण दर १२ वर्षांनी होणारा हा कुंभमेळा १४४ वर्षांनंतर खास संयोग निर्माण करत आहे. खरंतर आतापर्यंत १२ कुंभमेळे पूर्ण झाले आहेत, त्यामुळेच यंदाच्या या कुंभमेळ्याला महाकुंभ असे म्हटले जात आहे. हा कुंभमेळा १३ जानेवारीपासून ते २६ फेब्रुवारीपर्यंत असल्याचे म्हटले जात आहे. सध्या सोशल मीडियावर यादरम्यानचे अनेक व्हिडीओ मोठ्या प्रमाणात व्हायरल होत आहेत, ज्यात अनेक नागा साधू, विविध संत, ऋषी यांचे व्हिडीओ पाहायला मिळत आहेत. अशातच आणखी एक व्हिडीओ खूप चर्चेत आला आहे.

पाहा व्हिडीओ

या व्हायरल व्हिडीओमध्ये तुम्ही पाहू शकता, कुंभ मेळ्यात वास्तव्य करत असलेल्या जागेवर एक वृद्ध साधू महाराज खाली बसलेले दिसत असून यावेळी त्यांचे शिष्य त्यांच्या अंगाभोवती भगवे वस्त्र गुंडाळताना दिसत आहेत. यावेळी आसपास उभे असलेले लोक “काशी विश्वनाथ गंगे, हर हर महादेव” असा जयघोष करताना दिसत आहेत. या व्हिडीओवर लिहिल्याप्रमाणे या साधू महाराजांनी या कुंभमेळ्यात समाधी घेतली आहे. परंतु ही गोष्ट खरी आहे खोटी हे अद्याप समोर आलेले नाही.

हा व्हिडीओ ट्विटरवरील @mayank679singh या अकाउंटवर शेअर करण्यात आला आहे. या व्हिडीओला आतापर्यंत जवळपास ११ मिलियनहून अधिक व्ह्युज आणि लाखो लाइक्स मिळाल्या आहेत.