Viral video: भारतीय नागरिक कचऱ्यातून विश्व घडवण्यात चतुर असतात. एखादी वस्तू उपयोगी नाही, असे आपल्या देशात क्वचितच घडते.भारतात जुगाडू लोकांची काहीच कमतरता नाही. भारतीय लोक असे असे जुगाड शोधून काढतात की जे पाहून मोठमोठे इंजिनियर्स आपल्या डिग्र्या फाडतील. सोशल मीडिया विविध व्हिडिओंनी भरलाय. अनेक विनोदी व्हिडिओ आपण इथे रोज पाहत असतो. त्यातले काही व्हिडिओ आपल्याला खळखळून हसवतात. याच प्रकारात येतात जुगाडा व्हिडिओ. स्वत:च डोकं चालवून असं काहीतरी केलं जातं, की मग सोशल मीडियावरचे यूझर्स या जुगाडुंना डोक्यावर घेतात.
याआधी तुम्ही अनेक वेगवेगळे जुगाड पाहिले असतील मात्र यापेक्षाही खतरनाक जुगाड समोर आला आहे. एका तरुणानं चक्क बाईकपासून ट्रक तयार केलाय. होय, तुम्हाला विश्वास बसत नाहिये? तर मग व्हायरल होणारा व्हिडीओ एकदा पाहाच..
या व्हिडीओमध्ये तुम्ही सुरूवातीला एक ट्रक पाहू शकता. मागून आणि आजूबाजूनं हा भला मोठा ट्रक दिसत आहे मात्र जसं पुढच्या बाजूनं तुम्ही बघाल तर तुमच्या पायाखालची जमीनच सरकेल. तुमचा तुमच्याच डोळ्यांवर विश्वास बसणार नाही. कारण कारण हा ट्रक नसून चक्क बाईकला जोडला आहे. अन् ही बाईक त्या ट्रकला घेऊन पुढे जातेय. हा व्हिडीओ आतापर्यंत १ कोटींपेक्षा अधिक नेटकऱ्यांनी पाहिला असून जवळपास सर्वांनीच आश्चर्य व्यक्त केलं आहे. एका छोट्याश्या बाईकला ट्रकची मागची बाजू जोडली आहे.
पाहा व्हिडीओ
हेही वाचा >> तरुणीनं नंबर प्लेटच्या जागी लिहलं असं काही; पाहून पोलिसही चक्रावले, VIDEO एकदा पाहाच
@TheFigen_या ट्विटर अकाउंटवरून शेअर करण्यात आलेल्या या व्हिडिओला १ कोटींपेक्षा अधिक व्ह्यूज मिळाले आहेत. लोक हा व्हिडिओ लाइक करत आहेत. तसंच यावर भरभरून कमेंट्सही करत आहेत. अप्रतिम जुगाड पाहून सगळेच त्याचे कौतुक करताना दिसत आहेत. एक यूजर म्हणाला, ‘खूप छान भाऊ. तुम्ही खूप पुढे जाल. ‘ तर दुसरा यूजर म्हणाला, ‘खरोखर माझा देश बदलत आहे’. काही लोकांना हा व्हिडिओ स्क्रिप्टेड आणि बनावट वाटला.
