Dangerous auto Stunt Video: काही मंडळींना स्टंटबाजी करण्याची फारच हौस असते. अजब स्टंट मारून लोकांना चकित करणं या लोकांना खूप आवडतं. पण कुठल्याही सुरक्षेशिवाय असे स्टंट मारणं अंगाशी येऊ शकतं. अशा घटना यापूर्वी अनेकदा घडल्या आहेत. पण तरी देखील हे स्टंटबाज मात्र काहीच बोध घेत नाहित. सायकल व दुचाकी वरून स्टंटबाजी करणाऱ्यांना लगाम घालण्याचा प्रयत्न पूर्वी घडलेल्या अपघातांमुळे पोलिसांनी केला होता. मात्र आता समोर आलेल्या व्हिडीओमध्ये चक्क रिक्षामध्ये स्टंटबाजी सुरुय. या रिक्षाचालकानं केलेला स्टंट पाहून नेटकरीही संतापले आहेत.
कोणत्याही गाडीचा टायर पंक्चर झाल्यावर आपण गॅरेजला जातो, किंवा रस्त्याच्या कडेला गाडी उभी करुन टायर बदलतो. मात्र एका रिक्षाचालकाने अति शहाणपणा करत चक्क धावत्या रिक्षाचा टायर बदलला आहे. रस्त्यावर एक ऑटो वेगाने धावत आहे. इतक्यात ड्रायव्हर अचानक एका बाजूने आपलं वाहन उचलतो आणि नंतर दुसरा व्यक्ती वेगाने टायर खोलतो. दरम्यान, दुसरी रिक्षा तिथे पोहोचते आणि त्यात बसलेला एक मुलगा पंक्चर झालेल्या ऑटोतील व्यक्तीला दुसरा टायर देतो आणि त्याच्याकडून पंक्चर झालेला टायर घेतो. हे सर्व चालत्या ऑटोमध्येच होत आहे. मग ती व्यक्ती पटकन टायर फीट करु लागते
पाहा व्हिडीओ
हेही वाचा – पुण्यात बिबट्याच्या एंट्रीने खळबळ! मध्यरात्री वस्तीत शिरकाव; कुत्र्याची शिकार..Video सोशल मीडियावर व्हायरल
desi_rajsthani_vlogs नावाच्या अकाऊंटवरुन तो इन्स्टाग्रामवर शेअर केला गेला आहे. नेटकरही व्हिडीओ पाहून संतापले असून, सर्वांनीच या तरुणाच्या स्टंटबाजीची चांगलीच फिरकी घेतली आहे.
