Accident Viral Video: रस्ते अपघातांचे अनेक व्हिडीओ सोशल मीडियावर व्हायरल होत असतात. यामध्ये काही अपघात हे वाहन चालकाच्या चुकीमुळे होताना दिसतात, तर काही अपघात हे दुसऱ्याच्या चुकीमुळे घडत असतात. असाच एक व्हिडीओ सोशल मीडियावर समोर आला आहे.राजधानी दिल्लीमधून एक संतापजनक प्रकार समोर आला आहे. दिल्लीतील कोटला मुबारकपूर भागात एका व्यक्तीला मिनी बसच्या बोनेटवरुन सुसाट नेल्याची घटना घडली आहे. या मिनी बसने आधी तरुणाला धडक दिली आणि त्यानंतर तरुणानं गाडी थांबवण्याचा प्रयत्न केला. यावेळी मिनी बस चालक चक्क तरुणाला बोनेटवरुन भर वेगात घेऊन गेला.
या व्हिडीओमध्ये तुम्ही पाहू शकता, गाडी थांबवण्यासाठी तरुण गाडीच्या बोनेटवर चढला असता ड्रायव्हरनं गाडी तशीच नोएडाच्या दिशेने वळवली. एक व्यक्ती पांढऱ्या रंगाच्या मिनी व्हॅनच्या बोनेटला लटकत आहे. तो माणूस ड्रायव्हरला गाडी थांबवायला सांगत आहे पण तो व्हॅन थांबवत नाही. या थरारक घटनेचा व्हिडीओ सोशल मीडियावर व्हायरल झाला आहे. त्यानंतर पोलिसांनी प्रकरणाची दखल घेतली आहे.
पाहा व्हिडीओ
हेही वाचा >> मंगळसूत्र बांधताना नवरीचा संयम सुटला; भर मांडवात केलं असं काही की…VIDEO पाहून नेटकरी भडकले
याबाबत सविस्तर माहिती अशी की, दिल्लीमधील लजपत नगर परिसरातून एक धक्कादायक प्रकार समोर आला आहे. डीएनडी फ्लायओव्हरवरून नोएडाच्या दिशेने जात असताना एका तरुणाला भरधाव मिनी बसने धडक दिली. धडक दिल्यानंतर संतापलेल्या तरुणाने बस थांबवण्याचा प्रयत्न केला. ही घटना १७ डिसेंबरच्या रात्री घडल्याचे सांगण्यात येत आहे.
सोशल मीडियावर दररोज अपघातांशी संबंधित व्हिडीओ शेअर केले जातात. ज्यातील काही व्हिडीओ पाहिल्यानंतर सर्वांनाच धक्का बसतो. हे अपघात टाळण्यासाठी एकच उपाय आहे, तुम्ही सदैव सावध राहा. @ANI अकाउंटवरून हा व्हि़डीओ पोस्ट करण्यात आला असून, या व्हिडीओला लोक वारंवार पाहात आहेत. तसेच हा व्हिडीओ सोशल मीडियावर जोरदार व्हायरल झाला आहे. जगभरात दररोज शेकडो रस्ते अपघात होतात. काही अपघात अत्यंत गंभीर तर काही अत्यंत किरकोळ असतात. यामध्ये काही अपघात हे वाहन चालकाच्या चुकीमुळे होताना दिसतात, तर काही अपघात हे दुसऱ्याच्या चुकीमुळे घडत असतात.
