कलाकाराच्या ‘या’ कृतीमुळे वाहतूक कोंडी सोडवणाऱ्या पोलिसाच्या चेहऱ्यावर उमटले हसू, काय घडले? पाहा व्हिडिओ

हा व्हिडिओ केरळ पोलिसांनी @TheKeralaPolice यांनी अधिकृत ट्विटर अकाउंटवर शेअर केला आहे. व्हिडिओ शिमलाल नावाच्या कलाकाराने रेकॉर्ड केले होते. व्हिडिओमध्ये दिसते आहे की रस्त्याच्या मधोमध उभे राहून एक वाहतूक पोलिस कर्मचारी वाहतूक नियंत्रित करत आहे. हे दृश्यपाहून कलाकार कशाप्रकारे त्या वाहतूक पोलिसाचे चित्र रेखाटतो आहे हे या व्हिडिओत पुढे दिसत आहे. चित्र पुर्ण झाल्यानंतर कलाकार ते चित्र वाहूतक पोलिसांना देत असल्याचे व्हिडिओमध्ये दिसत आहे. वाहतूक पोलिस अधिकारी आनंदी होतो आणि कलाकाराचे आभार व्यक्त करतो.

हेही वाचा : तब्बल ५०० दिवस अंघोळ न करता २३० फुट खोल गुहेत राहिली महिला! पण का? जाणून घ्या

हा व्हिडिओ आतापर्यंत ४ हजार पेक्षा जास्त लोकांनी पाहिला आहे. लोकांनी या व्हिडिओवर भरभरून प्रतिक्रिया दिल्या आहेत. व्हिडिओ पाहून कलाकाराचे कौतूक केले जाते आहे. एकाने लिहिले की, वाहूतक पोलिस कडक उन्हाळा असो, पाऊस असो किंवा कडाक्याची थंडी असो प्रत्येक ऋतूमध्ये ते आपल्या कर्तव्य जबाबदारीने पार पाडतात त्यामुळे त्यांच्या कामाचे नेहमीच कौतूक केले पाहिजे.