Video Viral : बाप हा बाप असतो. आईचे गोडवे आपण अनेकदा ऐकतो पण वडिलांविषयी फारसे बोलले जात नाही. वडिलांची माया ही जगावेगळी असते. परिस्थिती कशीही असो मुलांसाठी झटतो तो बाप असतो. वडिल मुलांच्या नात्यातील गोडवा जपणारे अनेक व्हिडीओ सोशल मीडियावर व्हायरल होत असतात. सध्या एक असाच व्हिडीओ चांगलाच चर्चेत आहे. थोडं खरचटलं तर आपण आई गं असं म्हणतो तेच एखाद्या मोठ्या संकटात आपल्या तोंडातून बापरे असेच उच्चार निघतात. परिस्थिती कोणतीही असूदेत वडिलांचं छप्पर असेल तर कोणत्याही संकटावर मात करता येते. या व्हिडीओत वडिल आपल्या लेकाचा थंडीपासून कसा बचाव करत आहेत हे पाहायला मिळत आहे.
मुलाला थंडी लागू नये म्हणून वडील धडपड करत होते. शेवटी त्यांनी केलेला जुगाड पाहून खरंच तुम्ही सुद्धा भावूक व्हाल. या व्हिडीओमध्ये तुम्ही पाहू शकता, रात्रीच्यावेळी बाईकवरून जाताना मुलाला खूप थंडी लागत होती. म्हणून वडिलांनी त्याला आपल्या शॉलखाली गुंडाळून घेतलं आहे. बरं, हे वडील एवढ्यावर थांबले नाहीत तर त्यांनी आपल्या मुलाला एका हातानं पकडलं आहे व दुसऱ्या हातानं ते बाईक चालवतायेत. एका हातानं हँडल पकडून स्टंटबाजी करणारे तरुण तुम्ही अनेक पाहिले असतील. पण हा स्टंट पाहून मात्र सर्वांच्याच डोळ्यांत पाणी आलंय.
हा व्हिडीओ पाहून अनेकांना वडिलांची आणि त्यांच्या लहानपणीची आठवण येईल.
पाहा व्हिडीओ
हेही वाचा >> भरमांडवात नवरदेवाच्या मित्रांनी केली मस्करी; नवरीचा पारा चढला अन्…VIDEO पाहून म्हणाल “मोये मोये”
हा व्हिडीओ @Abhinav_Panनावाच्या एक्स अकाउंटवरून शेअर करण्या आलाय. हा व्हिडीओ शेअर करताना एक सुंदर कॅप्शन देखील लिहिलीय. “हा आनंद महागड्या कारपेक्षा मोठा आहे” असं कॅप्शन देण्यात आलंय. हा व्हिडीओ लोकांना फारच आवडू लागलाय. आत्तापर्यंत या व्हिडीओला लाखो लाईक्स मिळाले आहेत. एका युजरने लिहिलेय, “जगातील सर्वात सुंदर नातं” तर एका युजरने लिहिलेय, “खूप सुंदर व्हिडीओ” अनेक युजर्सनी या व्हिडीओवर हार्ट आणि स्मित हास्याचे इमोजी शेअर करत कौतुकाचा वर्षाव केला आहेत. तसंच वडिलांचं प्रेम पाहून यूजर्स भावूक झाले आहेत.
