पुण्यातील एका रेस्टॉरंटमधून झोमॅटोद्वारे ऑर्डर केलेल्या पनीर बिर्याणीच्या प्लेटमध्ये चिकनचा तुकडा सापडल्याचा धक्कादायक प्रकार समोर आला आहे. व्यक्तीच्या “धार्मिक भावना दुखावल्याच्यचे ग्राहकाने तक्रार करत सांगितले. पंकज शुक्ला नावच्या खात्यावरून X (पूर्वीचे ट्विटर)वर ही पोस्ट शेअर करण्यात आली. पोस्टमध्ये त्याने चिकनचा तुकडा दिसत असल्याचा फोटो शेअर केला आहे. झोमॅटोने या पोस्टवर प्रतिक्रिया दिली आहे.
आपल्या पोस्टमध्ये पंकजने सांगितले की, त्यांनी पुण्यातील कर्वे नगर येथील पीके बिर्याणी हाऊसमधून पनीर बिर्याणीची ऑर्डर दिली. पंकज पुढे म्हणाले की, जरी झोमॅटोने आपण दिलेली रक्कम परत केली असली तरीही त्याने पुढे जाऊन या घटनेबद्दल ऑनलाइन लिहिण्याचा निर्णय घेतला.
“पीके बिर्याणी हाऊस कर्वे नगर पुणे महाराष्ट्र वरून पनीर बिर्याणी मागवली आणि मला त्यात चिकनचा तुकडा सापडला. (मी शाकाहारी आहे) मला आधीच पैसे परद देण्यात आले आहे पण मी धार्मिक व्यक्ती असल्याने माझ्यासाठी हे पाप आहे आणि त्यामुळे माझ्या धार्मिक भावना दुखावल्या गेल्या आहेत, पंकजने आपल्या पोस्टमध्ये म्हटले आहे.
झोमॅटोच्या अधिकृत ग्राहक सेवा खात्याने पंकजच्या पोस्टला प्रतिसाद दिला आणि त्यांना सविस्तर माहिती शेअर करण्यास सांगितले जेणेकरुन पुढील तपास करता येईल.
“हाय पंकज, आम्ही कोणाच्याही भावनांशी कधीही तडजोड करणार नाही याची खात्री करणे हे आमचे सर्वोच्च प्राधान्य आहे. कृपया तुमचा ऑर्डर आयडी किंवा नोंदणीकृत फोन नंबर DM द्वारे सामायिक करा जेणेकरून आम्ही हे तपासू शकू,” Zomato ने सांगितले.
एक्सवर पंकजची पोस्ट १७,००० हून अधिक लोकांनी पाहिली असून आता वेगात व्हायरल होत आहे. दरम्यान, झोमॅटोने मार्चमध्ये १००टक्के शाकाहारी आहाराला प्राधान्य असलेल्या ग्राहकांसाठी ‘प्युअर व्हेज मोड’ आणि ‘प्युअर व्हेज फ्लीट’ लॉन्च करण्याची घोषणा केल्यानंतर त्याचे सीईओ दीपंदर गोयल यांनी मार्चमध्ये नव्या वादात अडकले.
हेही वाचा – उन्हाळ्यात बर्फ टाकून मळा कणीक! पाहा काय होईल कमाल, Kitchen Jugaad एकदा वापरून बघा
सोशल मीडियाच्या अनेकांनी झोमॅटोच्या नवीन ‘प्युअर व्हेज मोड’ला “जातीवादी” असे लेबल दिले होते, जरी गोयल यांनी यावर जोर दिला की ते “कोणत्याही धार्मिक, किंवा राजकीय प्राधान्यांची सेवा देत नाही”
