Stunt Viral Video: काही लोक जीवाची पर्वा न करता, एकदम खतरनाक स्टंटबाजी करताना दिसतात. काही वेळा हे स्टंट पाहताना आपल्या पोटात अक्षरश: गोळा येतो. मात्र, स्टंटमॅन अगदी आरामात, सहजपणे हे स्टंट करीत असतो. अशाच एका खतरनाक स्टंटबाजीचा व्हिडीओ सध्या सोशल मीडियावर व्हायरल होत आहे; जो पाहून तुमच्याही काळजात एकदम धस्स होईल.
या व्हिडीओमध्ये एक व्यक्ती अशा एका धोकादायक ठिकाणाहून कशाचाही आधार न घेता उड्या मारतेय; ज्या ठिकाणावर उभं राहून खाली वाकून बघण्याचीही कोणाची हिंमत होणार नाही. हा स्टंट इतका धोकादायक आहे की, थोडीशीही चूक व्यक्तीच्या जीवावर बेतू शकते.
सोशल मीडियावर व्हायरल होत असलेल्या या व्हिडीओमध्ये तुम्ही बघू शकता की, एक व्यक्ती कोणत्याही आधाराशिवाय बांधकाम सुरू असलेल्या इमारतीच्या इथे ठेवलेल्या लोखंडी शिडीवरून थेट जेसीबीवर उडी घेते. त्यानंतर पुन्हा त्याखालच्या एक जेबीसी कारला लटकते आणि शेवटी ती जमिनीवर ठेवलेल्या दोन दगडांवर अशा प्रकारे उडी मारते की, ज्याचा आपण कधी विचारही करू शकत नाही. एखाद्या कमकुवत हृदय असलेल्या व्यक्तीनं हे पाहिलं तर नक्कीच त्याला हृदयविकाराचा झटका येईल. कारण- हा स्टंटमॅन अशा ठिकाणाहून उडी घेतो की, जिथून एखादा माणूस खाली पडला तर थेट त्याचा मृत्यू होईल. पण, अनुभव अन् सराव या बाबी अशा आहेत की, ज्याच्या जोरावर व्यक्ती अनेक अशक्य गोष्टीही शक्य करता करू शकते. अशा प्रकारे या माणसानंही सरावाच्या जोरावर हे खतरनाक आणि परफेक्ट स्टंट केले आहेत.
खतरनाक स्टंटचा हा व्हिडीओ bodybuilder_viral_123 नावाच्या इन्स्टाग्राम अकाउंटवरून शेअर करण्यात आला आहे; ज्यावर युजर्स वेगवेगळ्या प्रतिक्रिया देत आहेत. एका युजरने लिहिलेय की, भाऊ त्याला २१ तोफांची सलामी दिली पाहिजे. आणखी एका युजरने लिहिलेय की, याला म्हणतात मृत्यूशी खेळणं.
