Train Viral Video : भारतातील बहुसंख्य लोक स्ट्रीट फूडचे चाहते आहेत. जे लोक नेहमी हेल्दी खाणे पसंत करतात त्यांनाही अनेकदा रस्त्यावरील खाद्यपदार्थ खाण्याची मोह आवरत नाही. वडापाव, समोसा, पाणीपुरी, दही कचोरी असे अनेक पदार्थ पाहिले की तोंडाला पाणी सुटते. त्यामुळे भारतात स्ट्रीट फूड आवडत नाही असे म्हणणारा व्यक्ती सापडणे अवघड आहे. यात सर्व वयोगटातील लोकांना सर्वात जास्त आवडणारे स्ट्रीट फूड म्हणजे पाणीपुरी अर्थात गोलगप्पा. पाणीपुरीचे फॅन फॉलोइंग इतकी आहे की, लहानांपासून मोठ्यापर्यंत सर्वजण कसलीही चिंता न करत ते चवीने खातात. यामुळे रस्त्या-रस्त्यावर आपल्याला पाणीपुरीचे स्टॉल पाहायला मिळतात. पण ट्रेनमधून प्रवास करणाऱ्या खाद्यप्रेमींची अडचण लक्षात घेता आता एका विक्रेत्यांने चक्क ट्रेनमध्येच पाणीपुरीचा धंदा सुरु केला आहे. ज्याचा व्हिडीओ आता सोशल मीडियावर खूप व्हायरल होत आहे.
चालत्या ट्रेनमध्ये पाणीपुरी खाण्याचा आस्वाद
व्हायरल होणाऱ्या व्हिडीओमध्ये तुम्ही पाहू शकता, एक व्यक्ती चालत्या ट्रेनमध्ये पाणीपुरी विकताना दिसत आहे. त्याने अगदी रस्त्यावर मांडतात तसा पाणीपुरीचा स्टॉल ट्रेनमध्ये मांडला आहे. ज्यात पाणीपुरी बनवण्यासाठी लागणाऱ्या सर्व गोष्टी आहेत. जसे की, मसालेदार पाणी, गोड चटणी, उकडलेले वाटाणे आणि पुऱ्या. काही प्रवासी चालत्या ट्रेनमध्ये पाणीपुरी खाण्याचा आस्वाद घेत आहेत. तर अनेक प्रवासी ट्रेनमधील हा पाणीपुरीचा स्टॉल पाहून थक्क झाले आहेत. अनेकांनी त्याचा व्हिडीओ बनवला आहे. sagarcasm नावाच्या युजरने हा व्हिडीओ त्याच्या ट्विटर अकाउंटवरून शेअर केला आहे.
६ वर्षाच्या मुलानं बनवलं टाईमटेबल! अभ्यासासाठी अवघे १५ मिनिटे; युजर म्हणाले, खरं आयुष्य तर हा जगतोय
या व्हिडीओमध्ये तुम्ही पाहू, ट्रेन किती स्पीडमध्ये आहे. पण तरीही तो विक्रेता कसलीही काळजी न करता लोकांना पाणीपुरी खाऊ खालत आहे. हा व्हिडीओ कुठला आहे याबाबत अद्याप कोणतीही माहिती मिळालेली नाही. अनेकांनी या व्यक्तीच्या बिजनेस माइंडचे कौतुक केले करत याला इनोव्हेशन म्हटले आहे. यावर एका युजरने म्हटले की, ‘भारतीयांना कोणीही हरवू शकत नाही.’ तर दुसऱ्या युजरने ‘हे काम मुंबई लोकलमध्ये करता येत नाही’ असे म्हटले आहे. याशिवाय काही युजर्सनी विक्रेत्याचे तोंड भरून कौतुक करत आहेत, तर दुसरीकडे काही युजर्सनी हे चुकीचे असल्याचे म्हटले. पण यावर तुमची काय प्रतिक्रिया आहे आम्हाला कमेंट करुन नक्की सांगा.
