अंकिता देशकर
Man Standing On Helicopter Fan Video: लाईटहाऊस जर्नालिज्मला एक व्हिडिओ ट्विटर वर शेअर होत असल्याचे लक्षात आले. या व्हिडीओमध्ये एक माणूस हेलिकॉप्टरच्या पंख्यावर उभा राहिलेला दिसत आहे. अर्ध्या व्हिडिओनंतर सदर व्यक्ती पंख्यावर उभा असतानाच हेलिकॉप्टरचे पाते आकाशात उड्डाण घेते. यावेळी हेलिकॉप्टर जमिनीवरच असते. नेमकं हे शक्य कसं झालं आणि या धोकादायक प्रकारासाठी परवानगी कशी देण्यात आली याविषयी सविस्तर जाणून घेऊया..
काय होत आहे व्हायरल?
ट्विटर युजर Jiyaul khan ने व्हायरल व्हिडिओ शेअर केला.
इतर वापरकर्ते देखील व्हिडिओ शेअर करत आहेत.
तपास:
व्हायरल व्हिडिओवरून मिळालेल्या फ्रेमवर गुगल रिव्हर्स इमेज सर्च चा वापर करून आम्ही आमचा तपास सुरू केला. आम्हाला एक ट्विट MBG CORE Official या ट्विटर हॅन्डल वर सापडले. ट्विट मध्ये rokoko.com या वेबसाईटला क्रेडिट्स देण्यात आले होते.
आम्हाला MBG CORE इन्स्टाग्राम पेजवर व्हिडिओ आणि त्याची निर्मिती देखील आढळली.
आम्हाला युट्युब शॉर्ट्स वर देखील या व्हिडिओ ची निर्मिती कशी करण्यात आली ते दर्शवण्यात आले होते.
MBG Core च्या बायो मध्ये लिहले होते की, हे एक CGI 3D generalist आहे आणि या पेजचे एक दशलक्षपेक्षा जास्त फॉलोवर्स आहेत.
आम्ही प्रत्यक्ष पडताळणीसाठी या पेजला मेसेज द्वारे संपर्क केला, त्यांनी सांगितले, “मी C4D/Redshift/Marvelous designer/Rokoko smartsuit Mocap/After effect सह हा व्हिडिओ बनवला आहे.”
निष्कर्ष: एक माणूस हेलिकॉप्टरच्या पात्यावर/ ब्लेडवर बसलेला व्हिडिओ मोठ्या प्रमाणावर शेअर केला जात आहे, हा व्हिडिओ CGI वापरून तयार करण्यात आला आहे, व्हिडिओ खोटा आहे.
