Man Vs Tiger : जंगल सफारी करताना कधी कोणता प्राणी शिकार करण्याचा प्रयत्न करेल, याचा नेम नाही. वाघ, सिंह, बिबट्यासारखे प्राणी माणसांवर हल्ला करण्याचा इराद्यातच असतात. पण काही जण वाघासारख्या थरकाप उडवणाऱ्या प्राण्याशी मैत्री करण्याचा प्रयत्न करतात. पण कधी कधी हे प्राणी हल्ला करण्याचा प्रयत्नही करतात. अशाप्रकारचे अनेक व्हिडीओ सोशल मीडियावर व्हायरल झाले आहेत. एका व्यक्तीने वाघाशी मैत्री करून त्याला किस करण्याचा प्रयत्न केला. पण त्यानंतर जे काही घडलं ते पाहून तुम्हीही चक्रावून गेल्याशिवाय राहणार नाहीत.
वाघाचा हा व्हिडीओ @tgulyaet नावाच्या यूजरने इन्स्टाग्रामवर शेअर केला आहे. एक व्यक्ती वाघाला अनेकदा किस करण्याचा प्रयत्न करत असल्याचं या व्हिडीओत पाहायला मिळत आहे. प्राण्यांमध्ये आणि माणासांमध्ये असलेलं बॉण्डिंग कसं असतं, हेच दाखवण्याचा प्रयत्न या व्हिडीओच्या माध्यमातून करण्यात आला आहे. हा व्हिडीओ सोशल मीडियावर व्हायरल होताच चर्चेचा विषय ठरला आहे. कारण आतापर्यंत या व्हिडीओला ६८ मिलिनय व्यूज मिळाले आहेत.
नक्की वाचा – समुद्र किनाऱ्यावर आढळला सर्वात विषारी आणि मोठा साप, लोकांना सतर्क राहण्याचं आवाहन
इथे पाहा व्हिडीओ
परंतु, व्हिडीओ इंटरनेटवर व्हायरल होताच काही लोकांनी संतापही व्यक्त केला आहे. अशा प्राण्यांपासून दूर राहणं नेहमीच योग्य असतं, असंही काही काही नेटकऱ्यांनी म्हटलं आहे. एकाने प्रतिक्रिया देत म्हटलंय, अरे देवा! हे खूप सुंदर आहे, मला आवडलं. तर दुसऱ्या एका नेटकऱ्याने या व्हिडीओला विरोध करत म्हटलं, हे खूप खतरनाक आहे. अन्य एकानेही अशाच प्रकारची प्रतिक्रिया दिली. तो म्हणाला, अरे देवा, हे खूप धोकादायक आहे. वाघाने हल्ला करून माणसांची शिकार केल्याचे व्हिडीओ इंटरनेटवर पाहायला मिळतात. त्यामुळे अशा हिंस्र प्राण्यांपासून चार हात लांब राहण्यासाठी सूचना दिल्या जातात. पण काही माणसं या प्राण्यांसोबत जवळीक करण्याचा प्रयत्न करतात आणि स्वत:चा जीव धोक्यात टाकतात.
