Man Vandalizes Train Coach In Viral Video : गर्दी, स्वच्छतेचा अभाव, विसंगत अन्न गुणवत्ता आणि विशेषत: जुन्या गाड्यांवरील इतर समस्यांसारख्या खराब सेवांसाठी भारतीय रेल्वेला अनेकदा टीकेचा सामना करावा लागतो. सर्वच वर्गातील प्रवाशांकडून वारंवार तक्रारी येतात. भारतीय रेल्वे केटरिंग अँड टुरिझम कॉर्पोरेशन (IRCTC) देखील गर्दीच्या आणि खराब व्यवस्थापनाचे व्हिडिओ समोर आल्यानंतर नेटकऱ्यांनी संताप व्यक्त केल आहे. मात्र, प्रवाशांकडून होणारी तोडफोड हीदेखील मोठी समस्या आहे. सोशल मीडियावर नुकत्याच व्हायरल झालेल्या व्हिडिओमध्ये एक तरुण मुलगा भारतीय रेल्वेच्या डब्यातील सीट कव्हर फाडताना आणि चालत्या ट्रेनच्या खिडकीतून बाहेर फेकताना दिसत आहे.
सोशल मीडिया रील तयार करण्यासाठी हसत हसत हा तरुण हे कृत्य करताना दिसत आहे. रात्रीच्या वेळी घडलेल्या या घटनेने नेटकऱ्यांमध्ये संताप उसळला आहे. नेटकऱ्यांनी या तोडफोड आणि बेजबाबदार वर्तनावर टिका केली आहे. व्हिडिओमध्ये तरुण सार्वजनिक मालमत्तेचे नुकसान आणि कचरा टाकून पर्यावरणाची हानी करत आहे. आतापर्यंत, भारतीय रेल्वेने या व्हिडिओवर अधिकृत प्रतिक्रिया जारी केलेली नाही. X वापरकर्ता मिस्टर सिन्हा यांनी सोशल मीडियावर कॅप्शनसह एक व्हिडिओ शेअर केला आहे, “तोच व्यक्ती नंतर यूट्यूबरशी बोलेल, सरकारला दोष देईल आणि रेल्वेच्या खराब स्थितीबद्दल तक्रार करेल.” एका वापरकर्त्याने कमेंट केली, “त्यांना तुरुंगात टाकले पाहिजे.” दुसऱ्याने लिहिले, “लोक अशा प्रकारे सरकारी मालमत्तेचे नुकसान कसे करू शकतात? रेल्वेची सीट फाडणे किती स्वार्थी कृत्य आहे!”
हेही वाचा –Bank holidays 2025: २०२५मध्ये बँक किती दिवस बंद राहणार? RBI ने जाहीर केली सुट्ट्यांची यादी!
२०२५ मध्ये वंदे भारत एक्सप्रेसची संख्या वाढणार
अलिकडच्या वर्षांत वंदे भारत गाड्यांची संख्या वाढत आहे आणि भारतीय रेल्वेने त्यांचा वेग आणि कार्यक्षमता सुधारत आणखी भर घालण्याची योजना आखली आहे. पहिली वंदे भारत ट्रेन फेब्रुवारी २०१९ मध्ये धावण्यास सुरुवात झाली. डिसेंबर २०२३ पर्यंत, सुमारे ३५ ट्रेन चालू झाल्या. डिसेंबर २०२४ पर्यंत, ६६ वंदे भारत गाड्या सेवेत आहेत, ज्यात १६ कार असलेल्या १७, २० कार असलेल्या ४ आणि ८ कार असलेल्या ४५ गाड्या आहेत.
भारतीय रेल्वे १जानेवारी रोजी त्यांचे नवीन २०२५ वेळापत्रक जारी करेल, जी ‘ट्रेन्स ॲट अ ग्लान्स’ (TAG) ची ४४ वी आवृत्ती असेल. दरम्यान व्हायरल व्हिडीओमधील तरुणाच्या कृतीमुळे वंदे भारत गाड्यांचे नुकसान आणि प्रवाशांच्या सुरक्षेबद्दल चिंता निर्माण झाली आहे. हा व्हिडीओ सार्वजनिक मालमत्तेचे नीट लक्ष ठेवणे आणि त्याचे संरक्षण करण्याची आवश्यकता दर्शवत आहे.
u
