Viral Video : सध्या अनेक राज्यांत मुसळधार पाऊस सुरू आहे. अनेक ठिकाणी रस्त्यांवर पाणीच पाणी साचलेय. त्यामुळे या पाण्यातूनच वाट काढत लोकांना आपल्या कामावर वा घरी जावे लागतेय. पण, काही लोक पावसाच्या पाण्यात आपले कपडे आणि शूज भिजून खराब होऊ नयेत यासाठी खूप काळजी घेतात. अशा वेळी छत्री किंवा रेनकोटमुळे कपडे भिजविण्यापासून वाचवू शकतो. पण, कितीही प्रयत्न केले तरी शूज खराब होतातच. पण, एका तरुणाने पावसाच्या पाण्यात शूज खराब होऊ नयेत म्हणून असे काही केले की, पाहून तुम्हालाही खूप हसू येईल. या घटनेचा एक व्हिडीओ सध्या सोशल मीडियावर व्हायरल होत आहे.
पावसाळ्यात शूज खराब होऊन त्यांना खूप कुबट वास येतो. त्यामुळे अनेक जण शूज घालणे टाळतात. पण, काही जण असे असतात की, त्यांना पावसाळा असला तरी बाहेर जाताना शूज घालायला आवडतात. अशाच प्रकारे एक तरुण भरपावसात शूज घालून घराबाहेर पडला; पण गाडीने उतरताच रस्त्यावर पाणी साठले होते. यावेळी त्याने पायांनी चालत न जाता, चक्क हातांनी तो चालू लागला. तुम्हाला खरे वाटत नसेल तर खालील व्हिडीओ पाहा,
व्हिडीओमध्ये तुम्हाला पावसाच्या पाण्याने तुडुंब भरलेला रस्ता दिसत आहे. यावेळी एक तरुण गाडीतून उतरतो; पण शूज खराब होऊ नयेत म्हणून तो चक्क पायांऐवजी जमिनीवर हात ठेवून रस्ता ओलांडतो. म्हणजेच पाण्याने भरलेल्या रस्त्यावर हातांवर चालत तो रस्ता ओलांडतो.
हा व्हिडीओ @Gunsnrosesgirl3 एक्स अकाउंटवरून शेअर करण्यात आला आहे; जो आत्तापर्यंत लाखो लोकांनी पाहिला आहे. अनेकांनी या व्हिडीओवर कमेंट्स करून, आपल्या प्रतिक्रिया दिल्या आहेत. एका युजरने कमेंट करीत लिहिले की, शूज काढून त्याने रस्ता क्रॉस केला असता, तर बरे झाले असते. दुसऱ्या एका युजरने लिहिले की, भाऊ, तुम्ही गाडीच कुठेतरी अशा ठिकाणी उभी केली पाहिजे होती किंवा शूज काढून रस्ता क्रॉस केला पाहिजे होता. त्याचप्रमाणे इतरही अनेकांनी या कृतीवरून त्या तरुणाला मूर्ख, असे म्हटले आहे.
