Manali atal tunnel video: काही मंडळींना स्टंटबाजी करण्याची फारच हौस असते. ही मंडळी संधी मिळताच चित्रविचित्र स्टंट मारून लोकांचं लक्ष वेधून घेण्याचा प्रयत्न करतात. पण ही स्टंटबाजी काही वेळेस अंगाशी सुद्धा येते.वाहतुकीचे नियम मोडून रस्त्यावर वाहनांची भन्नाट स्टंटबाजी करतानाचे व्हिडीओ सोशल मीडियावर व्हायरल होताना दिसतात. पण व्हिडीओच्या माध्यमातून प्रसिद्धी मिळवण्यासाठी धोकादायक स्टंटबाजी करणाऱ्यांना चांगलीच अद्दलही घडल्याचे व्हिडीओ अनेकदा समोर आले आहेत.
अटल टनल बोगद्यातील VIDEO व्हायरल
असाच काहीसा प्रकार या तरुणासोबत घडला आहे. हिमाचल प्रदेशात लोक फिरण्यासाठी, तिथला आनंद लुटण्यासाठी जातात. मात्र काही जण पर्यटनस्थळी जाऊनही काहीतरी विचित्र प्रकार करतात. अशाच एका तरुणाचा मनालीमधला स्टंटबाजीचा व्हिडीओ सध्या सोशल मीडियावर व्हायरल झाला आहे.धडकी भरवणाऱ्या ७ सेकंदचा व्हिडीओ पाहून तुमच्यालाही अंगावर काटा येईल.
धडकी भरवणारे ७ सेकंद अन्…
या व्हिडीओमध्ये तुम्ही पाहू शकता, मनालीमधला घाटचा रस्ता आहे. कमी जागेतून येणाऱ्या जाणाऱ्या दोन्ही गाड्यांची प्रचंड गर्दी दिसत आहे, आणि त्यामुळे ट्राफिकही जाम झालं आहे. अशावेळी एक तरुण आपल्या कारचे दोन्ही दरवाजे उघडून कारमधून बाहेर डोकावत स्टंटबाजी करत आहे. हिमाचलच्या अटल टनेल रोडवर स्टंट करताना दिसत आहे.ट्रॅफिक जॅममध्ये अटल बोगद्यावर वाहनांची गर्दीच गर्दी आहे. अशातच एका व्यक्तीनं आपल्या कारचे दोन्ही दरवाजे उघडले आणि दोन लोक दोन्ही दरवाजांना लटकताना दिसले. एवढ्या गर्दीतही ते स्टंटबाजी करत होते. सुदैवानं उघडे दरवाजे दुसऱ्या गाड्यांना धडकले नाही, नाहीतर अपघात झाला असता.
हुल्लडबाजी करणाऱ्या या तरुणांचा व्हिडीओ सध्या व्हायरल होत असून यावर कारवाई करण्याची मागणी होत आहे.
पाहा व्हिडीओ
हेही वाचा >> VIDEO: सहनशक्तीचा अंत! ऑक्टोपसला त्रास देणं व्यक्तीच्या अंगाशी, पुढच्याच क्षणी घडलं भयंकर
वारंवार अपघातांचे व्हिडीओ व्हायरल होत असतात; मात्र तरीही तरुणाई यातून धडा घेताना दिसत नाही हेच खरं. सोशल मीडियावर हा व्हिडीओ एक्सवर @shubhamtorres09 या अकाऊंटवरुन शेअर करण्यात आला आहे. हा व्हिडीओ सोशल मीडियावर व्हायरल होत असून, हा व्हिडीओ पाहून नेटकरी असे स्टंट टाळण्याचे आवाहन करत आहेत.
