Marathi bride entry marathi video: सोशल मीडियावर लग्नातील अनेक व्हिडीओ व्हायरल होत आहेत. गेल्या काही दिवसात मजेशीर व्हिडीओ व्हायरल झाले आहेत. हल्ली लग्न मंडपात वधूची एन्ट्री कशी असेल याकडे वऱ्हाडी मंडळीचं लक्ष लागून असतं. यासाठी काही विशेष व्यवस्थापन केलं जातं. कुटुंबीयांकडून काही दिवस डान्सचा सराव केला जातो आणि लग्नाच्या दिवशी सर्वांसमोर सादर केला जातो. गेल्या काही दिवसांपासून वधूच्या लग्नातील प्रवेशाचा असाच एक व्हिडीओ सोशल मीडियावर व्हायरल होत आहे. या व्हिडीओमध्ये तुम्हाला दिसेल की, नातेवाईक आणि वधूने जबरदस्त एन्ट्री मारली आहे. हा व्हिडीओ नेटकऱ्यांना आवडला असून वेगवेगळ्या सोशल मीडिया प्लॅटफॉर्मवर शेअर करत आहेत.
लग्नात नवरा-नवरीच्या एन्ट्रीच्या बाबतीत पूर्वीपेक्षा बरेच बदल झाले आहेत. आता नवरा नवरीचा हात पकडत किंवा नवरी लाजत मान खाली घालून चालत प्रवेश करत नाहीत. अरेंज मॅरेज असो लव्ह मॅरेज असो… लग्नात नवरा-नवरीची एन्ट्री हा विषय पाहण्यासारखा झालाय. अशातच नवरीने तिच्या मैत्रीणींसोबत लग्नात मराठमोळ्या गाण्यावर डान्स करत जबरदस्त अशी एन्ट्री घेतली आहे. “आली ठुमकत नार लचकत मान मुरडत हिरव्या रानी” या गाण्यावर नवरीनं केलेला डान्स सगळ्यांचंच लक्ष वेधून घेत होता.
लग्न म्हणजे प्रत्येकाच्या आयुष्यातील एक खास, महत्त्वाचा असा क्षण असतो आणि हा क्षण फक्त नवरा-नवरीच नव्हे तर सर्वांच्या कायम लक्षात राहावा यासाठी प्रयत्न केले जातात. अगदी सध्या नवरा-नवरीसुद्धा आपल्याच लग्नात काही ना काही सरप्राइझ देण्याचा प्रयत्न करतात. प्रत्येक जण आपल्या लग्नाचा दिवस कायम लक्षात रहावा यासाठी वेगवेगळ्या पद्धतीने साजरा करतात. दरम्यान अशाच एका नवरीने आपल्या नवरदेवाच्या स्वागतासाठी भन्नाट असा डान्स केला आहे. व्हायरल व्हिडिओत दिसत आहे की, लग्न मंडपात वऱ्हाडी मंडळी वधूची वाट पाहात असतात. दरम्यान अचानक “आली ठुमकत नार लचकत’ गाणं वाजू लागतं. गाण्याबरोबरच वधूचे कुटुंबीय एक एक करत नाचत बाहेर येतात. शेवटी वधूची दमदार एन्ट्री होते. ती येताच तिच्यासोबत दोन नातेवाईक एकत्र नाचू लागतात.
पाहा व्हिडीओ
सोशल मीडियावर हा व्हिडीओ ajaygaikwadphotography नावाच्या इन्स्टाग्राम अकाऊंटवरुन शेअर करण्यात आला आहे. नवरीचा डान्स पाहून अनेकांनी आपल्या प्रतिक्रिया नोंदवल्या आहेत. एका युजर्सने लिहिलं आहे की, आमच्या लग्नात आम्ही अशीच एन्ट्री घेऊ, मस्त डान्स केला. तर दुसऱ्या युजर्सने लिहिलं आहे की, क्या बात है! खरंच छान एन्ट्री घेतली.
