फेसबुककर्त्या झकरबर्गच्या चेहऱ्यावर कोणाचा फूट मार्क?

मार्क झकरबर्गने आपल्या फेसबुक अकाऊटंवर मुलगी मॅक्ससोबतचा एक फोटो अपलोड केलाय. पिता होण्याचा आनंद मी अनुभवत आहे अशी ओळ लिहित मार्कने आपली लेक मॅक्स आणि पाळीव कुत्रा पुली यांचा फोटो फेसबुकवर अपलोड केलाय. हा फोटो सोशल मीडियावर व्हायरल होत आहे. स्विमिंग आणि सायकलिंग करून झाल्यावर मार्क आपल्या घरात स्ट्रेचेस करत होता आणि वडिलांना पाहून छोटी मॅक्सही तसंच करण्याचा प्रयत्न करत होती. पण या नादात छोट्या मॅक्सचे पाय आपल्या बाबांच्या चेहऱ्यावर पडत होते. तर दुसरीकडे मार्कचा पाळीव कुत्रा पुलीही या बाप लेकीच्या आनंदात सहभागी झाला होता. मार्कने फेसबुकवर फोटो अपलोड करताच त्याला तीन लाखांहून अधिक लाईक्स आणि साडेतीन हजार शेअर्स देखील आहेत.