माता राणीचे धक्कादायक कृत्य! मुक्या चिमुकल्यांना बोलते करण्यासाठी करतेय जीवघेणे प्रकार; संतापजनक VIDEO VIRAL

तुम्ही अनेकदा पाहिले असेल की, जिथे ज्या शारीरिक वा मानसिक आजार वा त्रासांमध्ये डॉक्टरांच्या उपचारांनी काही फरक पडत नाही तेव्हा अनेक लोक अशा भोंदू बाबा, मातांच्या अंधश्रद्धेला बळी पडतात. आपल्या कुटुंबातील व्यक्ती त्या त्रासातून लवकर बरे वाटावेयासाठी अशा बाबा, मातांसमोर नमस्तक होतात. पण, अनेकदा हे बाबा, बुवा, माता उपचारांच्या नावाखाली जीवघेणे प्रकार करताना दिसतात, जे पाहून कोणालाही संताप येईल. या व्हिडीओतही माता राणी चिमुकलीसह असाच काहीसा गैरप्रकार करताना दिसतेय.

व्हायरल व्हिडीओत तुम्ही पाहू शकता की, लाल रंगाची साडी नेसलेली माता राणी लोकांच्या गर्दीत बसली आहे, तिच्या मांडीवर एक चिमुकली आहे, जी बोलू शकत नाही, असे सांगितले जातेय. यावेळी तिला बोलते करण्यासाठी माता राणी तिला अक्षरश: छातीवर जोरजोरात मारतेय, १० ते १५ वेळा तिने चिमुकलीच्या छातीवर जोरात मारले. त्यानंतर तिचा एक हात पकडून हवेत उचलले. नंतर तिच्या तोंडाचं चुंबन घेतले. या सर्व घटनेत चिमुकली जीवाच्या आकांताने ओरडतेय, रडतेय; पण माता राणी काय तिचे जीवघेणे कृत्य काही थांबवत नाही. हे दृश्य पाहून सोशल मीडियावर लोक तीव्र संताप व्यक्त करतायत. अनेकांनी या माता राणीवर कडक कारवाईची मागणी केली आहे.

@ummeed27news नावाच्या इन्स्टाग्राम अकाउंटवरून हा व्हिडीओ पोस्ट करण्यात आला आहे. युजर्स या व्हिडीओवर भरभरून कमेंट्स करीत आहेत. एका युजरने लिहिलेय की, धर्माच्या नावावर हा ढोंगीपणा सुरू आहे. दुसऱ्या युजरने लिहिलेय की, हरामखोर, एवढ्या छोट्या मुलीला मारतेय. तर, अनेकांनी या माता राणीवर कडक कारवाईची मागणी केली आहे. पण. हा व्हिडीओ केव्हाचा आणि कुठला आहे याबाबत कोणतीही माहिती समोर आलेली नाही.