Viral Video : मी नियमित व्यायाम करतो आणि तुम्ही?

अहो ही मस्करी वगैरे अजिबात नाही. खरं तेच सांगतोय. हा कुत्रा आपल्या तब्येतीची इतकी काळजी घेतो की आपल्या मालकीणी बरोबर तो नियमित व्यायाम करायला देखील येतो. तुमचा विश्वास बसत नाहीय ना? मग त्याचा सोशल मीडियावर व्हायरल होत असलेला हा व्हिडिओ पाहा.

See more

काय मग विश्वास बसला की नाही? या कुत्र्याचं नाव आहे रिप्टाइड. याला व्यायामाची गोडी इतकी आहे की आपल्या मालकीण आणि तिच्या मैत्रिणींसोबत तो नियमीत व्यायाम करायला येतो. व्यायामातले बरेचसे प्रकारही त्याला माहिती आहेत आणि आपल्या फिटनेसला महत्त्व देण्याऱ्या रिप्टाइडचे इन्स्टाग्रामवर फॉलोअर्सही आहेत बरं का! तेही थोडे थोडके नाही तर तब्बल सात हजारांहूनही अधिक. आता हा प्राणी असून आपल्या तब्येतीची एवढी काळजी घेतोय तर आपण थोडासा आळस झटकून आपल्या तब्येतीवर थोडं लक्ष द्यायला काय हरकत आहे?