Viral: वृत्तपत्रातील शेरवानीच्या जाहिरातीनं वेधलं नेटकऱ्यांचं लक्ष; सोशल मीडियावर कमेंट्सचा वर्षाव

कोलकात्यातील सुलतान नावाच्या शेरवानी विक्रेत्याने ही जाहीरात दिली आहे. आपल्या ब्रँडचा प्रचार करण्यासाठी त्यांनी ‘ही व्यक्ती हरवली आहे’ (Missing Person) अशी जाहिरात दिली आहे. रेड्डिटवर जाहिरातीचं छायाचित्र पोस्ट केलं होतं. “उंच , गोरा आणि देखणा, वय २४ वर्षे. माझा लाडका मुलाक मजनू हरवला आहे. कृपा करून घरी परत ये. सर्वांना तुझी काळजी वाटत आहे. आम्ही तुझ्या दोन्ही मागण्या मान्य केल्या आहेत. ‘लैला’ तुझी वधू असेल आणि लग्नाची शेरवानी सुलतान (द किंग ऑफ शेरवानी) येथून खरेदी करू”. शेवटच्या ओळीतून ही जाहीरात असल्याचं कळतं.

वृत्तपत्रातीला जाहिरातीवर नेटकऱ्यांनी संमिश्र प्रतिक्रिया दिल्या आहेत. एका युजर्सने लिहिलं आहे की, ‘हे वाचताना सुरुवातीला वाटलं की तो खरंच हरवला आहे. पण शेवटी शेरवानीची जाहिरात असल्याचं कळलं.’. तर दुसऱ्या युजर्सने असं लिहिलं आहे की, ‘खरंच तो मुलगा हरवला असता आणि अशी जाहिरात दिली असती तर’.