धबधब्यासमोर काढलेले फोटो शेअर करत अमित ठाकरे म्हणाले, “कोकणासारखं निसर्ग सौंदर्य परदेशात आपल्याला…”

“काल सावंतवाडी इथल्या संवाद बैठका संपल्यानंतर सहकाऱ्यांसह आंबोली घाटातल्या चौकुळ कुंभवडे गावाच्या परिसरात गेलो होतो. कोकणचा ‘रानमाणूस’ प्रसाद गावडे यांच्यासोबत भटकंती केली,” असं अमित यांनी आपल्या फेसबुक पोस्टमध्ये म्हटलंय. पुढे बोलताना त्यांनी, “इको-टुरीझमचे महत्त्व जाणून घेतले. सह्याद्रीतील अनेक नद्यांचे उगमस्थान असलेल्या या निसर्गरम्य परिसरात पायवाटेवर अनेक धबधबे पाहिले. बायो-डायव्हर्सिटीने संपन्न असा हा सावंतवाडी, दोडामार्ग इथला वाईल्ड लाईफ कॉरिडॉर आपण सर्वांनी जीवापाड जपायला हवा,” असंही म्हटलंय.

आणखी वाचा

काँग्रेसबरोबर युती करण्यावरून राज ठाकरेंची पुन्हा उद्धव ठाकरेंवर सडकून टीका; म्हणाले, “मी, माझा स्वार्थ, माझी खुर्ची अन्…”

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Raj Thackeray : “रमेश वांजळे शेवटचं माझ्याशी बोलले”, राज ठाकरेंनी सांगितली आठवण; म्हणाले, “अनेक जण सोडून गेले, पण…”

कोकणातीन सभेतून उद्धव ठाकरेंचा नारायण राणेंवर हल्लाबोल; दीपक केसरकरांनाही केलं लक्ष्य; म्हणाले…

“कोकण आणि शिवसेनेचे नाते तोडण्याचा प्रयत्न, कोकणचे अदानीकरण होऊ देणार नाही”, उद्धव ठाकरेंचा इशारा

“उद्धव ठाकरेंच्या हातून पैसा सुटत नाही, बॅगेत काय असणार?” राज ठाकरेंची खोचक टीका!

उद्धव ठाकरेंची बॅग तपासण्याच्या मुद्द्यावरून सुषमा अंधारे चांगल्याच संतापल्या; म्हणाल्या, “जर तुम्ही…”

Uddhav Thackeray : “संत गाडगेबाबा घरी यायचे, दरवाजाबाहेर उभं राहून…”, उद्धव ठाकरेंनी सांगितला आजोबांच्या काळातील आठवण

पोस्टच्या शेवटी त्यांनी, “कोकणासारखं निसर्ग सौंदर्य परदेशात आपल्याला क्वचितच अनुभवायला मिळतं. कोकणातल्या निसर्गाचं मोल आपण ओळखायला हवं,” असंही आवाहन केलं आहे. निसर्ग संवर्धनाची गरज आपण सर्वांनी ओळखायला हवी असं अमित ठाकरेंना सूचित केलं आहे.

रानमाणूस म्हणून लोकप्रिय असणारे पर्यावरणस्नेही पर्यटनाचे पुरस्कर्ते प्रसाद गावडे यांनी अमित यांना या ट्रेकमध्ये मार्गदर्शन केलं. गावडे यांच्या रुपाने अमित ठाकरेंना खऱ्या अर्थाने एक खास व्यक्ती या ट्रेकमध्ये वाटाड्याच्या रुपात सोबत होती. “महाराष्ट्रातील एक प्रभावशाली व्यक्तिमत्त्व राज ठाकरेंचे सुपुत्र अमित ठाकरे यांना होस्ट करण्याची संधी आज मिळाली,” असं म्हणत गावडे यांनी या ट्रेकचे काही व्हिडीओ इन्स्टाग्रामवर पोस्ट केले आहेत.

सह्याद्रीतील निसर्ग भ्रमंती करताना हा पर्यावरण संवेदनशील भाग शाश्वत जीवन शैलीवर आधारित पर्यटनातून कसा विकसित करता येईल या विषयावर आपल्याला अमित ठाकरेंसमोर विचार व्यक्त करता आल्याबद्दल गावडे यांनी समाधान व्यक्त केलंय.

“महाराष्ट्र नवनिर्माण सेनेच्या पदाधिकाऱ्यांसाठी आजची, मंगळवारची (५ जुलै २०२२ रोजीची) दुपार खूपच हटके होती,” असं म्हणत महाराष्ट्र नवनिर्माण सेनेचे सरचिटणीस कीर्तिकुमार शिंदे यांनी या ट्रेकसंदर्भातील माहिती एका पोस्टमधून दिलीय. “निसर्गरम्य परिसर, सगळीकडे दाटलेलं धुकं, त्यात अधूनमधून जोरात कोसळणारा पाऊस, खळाळती नदी आणि केगदवाडीतून दर काही मीटर अंतरावर कोसळणारे कुंभवडे गावचे धबधबे,” असा हा सारा ट्रेक झाल्याचं शिंदे पोस्टमध्ये सांगतात.

“अमित ठाकरेंनी रानमाणसाला (प्रसाद गावडे यांना) अगदी सहजपणे, “मी इथे कितीही वेळ काढू शकतो. मला पुन्हा पुन्हा इथे यायला आवडेल,” असं बोलून गेले,” असंही शिंदेंनी पोस्टमध्ये म्हटलंय.