आजकाल प्रत्येकाकडे मोबाइल आहे, कुठेही सुंदर दृश्य दिसले तर लोक मोबाइल कॅमेरा ऑन करून रेकॉर्डिंग सुरू करतात. अशाचप्रकारे एका व्यक्तीने हेलिकॉप्टरमधून प्रवास करताना आपल्या मोबाइलमधून जमिनीवरील सुंदर दृश्य रेकॉर्ड करण्यास सुरुवात केली. यानंतर मोबाईल हातातून निसटून खाली कोसळला. या दरम्यान जे काही घडले ते पाहून तुम्हालाही आश्चर्य वाटेल. व्हिडीओ रेकॉर्ड करत असताना अचानक त्याचा फोन बंद झाला, यानंतर तो सरळ जावून खाली कोसळला.
आकाशातून खाली पडतानाही मोबाइलचा कॅमेरा चालूच होता. यानंतर मोबाइलमध्ये जे काही रेकॉर्ड झाले ते पाहून तुम्हालाही आश्चर्य वाटेल. तुम्ही पाहू शकता की, ती व्यक्ती हेलिकॉप्टरमध्ये चढल्यानंतर अगदी निवांतपणे रेकॉर्डिंग करत आहे. बाहेरचे दृश्य ती व्यक्ती आपल्या कॅमेऱ्यात टिपत आहे. या दरम्यान अचानक त्याच्या हातातून मोबाइल खाली कोसळतो, पूर्ण वेगाने मोबाइल खाली पडू लागतो. पण, या दरम्यान त्याचे मोबाइल कॅमेरातील रेकॉर्डिंग सुरूच राहते, ज्यामुळे मोबाइल जसा खाली जातो, तस तसे सर्व गोष्टी रेकॉर्ड होऊ लागतात.
यात वाऱ्याचा मोठा आवाजही रेकॉर्ड झाला आहे. ज्यावरून तुम्ही अंदाज लावू शकता की, मोबाइल किती वेगाने खाली कोसळतोय. अखेर मोबाइल डुकरांच्या कळपाजवळ जाऊन पडतो. यानंतर एक डुक्कर मोबाइलजवळ येतो आणि कॅमेरा चाटायला आणि वास घेण्यास सुरुवात करतो. यावेळी डुकराचा व्हिडीओ कॅमेऱ्यात रेकॉर्ड झाला आहे. हा व्हिडीओ पाहून अनेकांना हसू आवरणे अवघड होत आहे. अनेकांनी यावर मजेशीर कमेंट्स केल्या आहेत.
