दिल्लीच्या विमानतळावर माकड जाऊन बसले बार काउंटरवर; व्हिडीओ व्हायरल

दिल्लीच्या इंदिरा गांधी आंतरराष्ट्रीय विमानतळावरील एका माकडाचा व्हिडीओ शुक्रवारी सोशल मीडियावर व्हायरल झाला. विमानतळ सूत्रांनी याची पुष्टी केली की हा व्हिडीओ आयजीआय विमानतळाचा आहे. त्यांनी हेही सांगितले की माकडाची सुटका करण्यात आली आणि कोणालाही इजा झाली नाही.व्हिडीओमध्ये, माकड डॉमॅस्टिक विमानतळाच्या प्रीमियम प्लाझा लाऊंजच्या बार काउंटरवर फळांचा रस पिताना दिसत आहे. प्रवासी त्याचा व्हिडीओ रेकॉर्ड करतात. फूड कोर्टमध्ये पुढे हे माकड काय करेल हे बघण्यासाठी थांबलेले दिसतात तर काही बघून लगेच निघून जातात.