“कुठल्याच आईवर अशी वेळ येऊ नये…” मृत पिल्लाचा मृतदेह ओढण्याचं दुर्भाग्य नशिबी; Video पाहून डोळ्यात येईल पाणी

आपल्याच मुलांचा मृत्यू बघायचं दुर्भाग्य कोणत्याच आईच्या नशीबी येऊ नये असं वाटतं मात्र हेच दुर्भाग्य एका हत्तीणीच्या नशीबी आलंय. या आईचा व्हिडीओ पाहून तुमचंही हृदय हेलावेल, अश्रू रोखणे कठीण होईल.

या व्हिडीओमध्ये तुम्ही पाहू शकता, एक मादी हत्ती जी एक आई सुद्धा आहे, ती आपल्या मुलाच्या मृत्यूने इतकी दु:खी आहे की तिला ते स्वीकारणे अशक्य झालं आहे. ती आपल्या निर्जीव मुलाला वारंवार ओढताना दिसत आहे. या घटनेचे साक्षीदार असलेल्यांनी सांगितले की ती अनेक दिवस तिच्या मुलासोबत राहिली आणि बाहेर जाण्यास नकार दिला. हे पाहून कुणालाही दुःख होईल. व्हिडिओ शेअर करणारे IFS अधिकारी कासवान यांनी लिहिले की, हत्तीची आई आपल्या मुलाचा मृत्यू स्वीकारु शकत नाही. पिल्लाच्या मृत्यूबाबत तिला विश्वास बसत नसल्याने काही काळ ती मृतदेह ओढत राहते.. हे प्राणी देखील आपल्यासारखेच आहेत कासवान पुढे म्हणाले की, हत्तींबाबत अशा प्रकारची भावनिक कृती दिसून आली आहे.

पाहा व्हिडीओ

हेही वाचा >> ‘जेव्हा मृत्यू आपल्यासमोर असतो..’ वाघानं एका झडपेत व्यक्तीचा हात फाडला; जंगलातल्या लाइव्ह घटनेचा VIDEO पाहून धक्का बसेल

मानवाप्रमाणे इतर प्राण्यांना भावना मुक्तपणे व्यक्त करता येत नाही असं म्हणतात. मात्र याला एक अपवाद आहे ते म्हणजे हत्ती. हत्ती मानवाप्रमाणेच आपल्या भावना व्यक्त करतात असं संशोधकांच म्हणणं आहे. याचचं जातं उदाहरण या व्हायरल झालेल्या व्हिडिओमधून समोर आले आहे. या व्हिडीओवर नेटकरी वेगवेगळ्या प्रतिक्रिया देत आहेत, यावेळी एकानं म्हंटलंय, आई ही आईच असते. तर आणखी एकानं म्हंटलंय, “कुठल्याच आईवर अशी वेळ येऊ नये देवा”