अभिनेता आमिर खान, अभिनेता आर माधवन आणि अभिनेता शर्मन जोशी यांच्या ३ इडियट्स हा चित्रपटाचे अनेकजण चाहते आहेत.
चित्रपटातील असंख्य क्षण लोक पुन्हा जिवंत करण्याचा प्रयत्न करतात. कधी या चित्रपटातील गाणी गाऊन, कधी गाण्यावर नृत्य करत तर कधी चित्रपटातील डायलॉग मारून. चित्रपटातून मिळालेली शिकवण खऱ्या आयुष्यात वापरतात. पण कोणीही कल्पना केली नसेल तर चित्रपटातील आमीर खानच्या एका सीनची खऱ्या आयुष्यात पुनरावृत्ती होऊ शकते. चित्रपटात एका सीनमध्ये राजू(शर्मन जोशी)च्या आजारी वडिलांना हॉस्पिटलमध्ये घेऊन जाण्यासाठी रँचो(आमीर खान) चक्क स्कूटरचा वापर करतो. राजू आणि रँचो आजीर वडीलांनी स्कुटीवर घेऊ थेट हॉस्पिटलमध्ये प्रवेश करताना दिसतात. शेवटी हा चित्रपटात थोड्या फार प्रमाणात अतिशयोक्ती असते. खऱ्या आयुष्यातही कोणी असे करेल असे कोणालाही वाटले नसेल. चित्रपटातील हेच दृश्य मध्यप्रदेशातील एका हॉस्पिटलमध्ये लोकांना पाहायला मिळाले. या घटनेचे व्हिडीओ देखील सोशल मीडियावर व्हायरल होत आहे.
वास्तविक जीवनात अशी दृश्ये अवास्तव वाटत असताना, एका व्हिडिओने इंटरनेटचे लक्ष वेधून घेतले आहे ज्यामध्ये मध्य प्रदेशातील एक व्यक्ती बाइकवर त्याच्या बेशुद्ध आजोबांना घेऊन थेट हॉस्पिटलमध्ये शिरल्याचे दिसते आहे. हा व्हिडिओ X वर एका वापरकर्त्याने शेअर केला आहे. तो माणूस आपत्कालीन वॉर्डमध्ये उभा असताना दुसरा व्यक्ती त्याला त्याच्या आजारी आजोबांना घेऊन जाण्यास मदत करताना दिसत आहे. मात्र, एका व्यक्तीने त्याला विचारले की त्याने बाईक आत का नेली? त्याला उत्तर देताना तो माणूस म्हणाला की तो हॉस्पिटलमध्ये काम करतो. यावर, दुसरी व्यक्ती उत्तर देते की,”त्याची बाईक आपत्कालीन वॉर्डमध्ये आणण्यासाठी निमित्त म्हणून वापरू नये.”
“मी मोसंबी, मी नारंगी”, गुरु शिष्याच्या जोडीने सादर केली ठसकेबाज लावणी; Viral Video एकदा बघाच
व्हिडिओ शेअर करताना युजरने लिहिले, “३ इडियट्स चित्रपटातील सीन? नाही! मध्य प्रदेशामध्ये एक माणूस बेशुद्ध झालेल्या आजोबांना बाईकवरून घेऊन थेट हॉस्पिटलच्या इमर्जन्सी वॉर्डमध्ये गेला!”
सोशल मिडीया प्लॅटफॉर्मवर शेअर केल्यापासून व्हिडिओला १ लाखापेक्षा जास्त व्ह्यू मिळाले आहेत. त्यावर प्रतिक्रिया देताना एका वापरकर्त्याने या कृत्याचा निषेध केला आणि लिहिले, “होय ३ इडियट्सपासून प्रेरित… तो रुग्णाला स्ट्रेचरवर सहज स्थानांतरित करू शकला असता.”
यासारख्या घटनांनी इंटरनेटला ३ इडियट्समधील आयकॉनिक सीनची आठवण करून दिली असली तरी अशा कृत्यांना प्रोत्साहन देऊ नये.”
