घाटकोपर दुर्घटनेनंतरचं भयाण चित्र; रेस्क्यू ऑपरेशनचा अंगावर काटा आणणारा थरारक VIDEO समोर

संध्याकाळी साडेचारच्या सुमारास मुंबईत जोरदार वारा सुटलेला असताना, छेडा नगरमध्ये जाहीरातीच एक मोठं लोखंडी होर्डिंग शेजारच्या पेट्रोल पंपाच्या छतावर कोसळलं. सगळा पेट्रोल पंप या होर्डिंगखाली दबला गेला. दुर्घटनेच्यावेळी पट्रोल-डिझेल भरण्यासाठी आलेल्या वाहनांसह जवळपास १०० जण या पेट्रोल पंपावर होते. त्यावरुन पेट्रोल पंप किती मोठा होता? याची कल्पना येते. यानंतर या घटनेचा थरारक व्हिडीओ समोर आला होता, दरम्यान आता दुर्घटनेनंतरचं भयान चित्र दाखवणारा आणखी एक व्हिडीओ समोर आला. हा व्हिडीओ पाहून तुमच्याही पायाखालची जमीन सरकेल.

थरारक रेस्क्यू ऑपरेशन

घाटकोपरमध्ये होर्डिंग कोसळून आतापर्यंत १५ जणांचा मृत्यू झाला आहे. तर ४५ हून अधिक लोक जखमी आहेत. या समोर आलेल्या व्हिडीओमध्ये तुम्ही पाहू शकता, दुर्घटनेनंतर बचावकार्य पार पडत आहे. यावेळी होर्डिंगखाली अनेक गाड्या लोक दबले गेले होते. गाड्यांचा तर संपूर्णपणे चेंदामेंदा झाला आहे. वेगवेगळ्या कार याखाली दबलेल्या दिसत आहेत. तसेच एक मोठा ट्रकसुद्धा याठिकाणी दिसत आहे. तर कारमध्ये अडकलेल्या एक मृतदेह काढण्याचं काम सुरु आहे. पेट्रोल पंपावर पेट्रोल भरण्यासाठी आलेल्या अनेक गाड्या लोक या होर्डिंग खाली दबले गेले तर काहींचा निष्पाप बळी गेला. होर्डींगचे पत्रे, मोठ मोठे लोखंड अक्षरश: गाड्यांमध्ये घुसले आहेत. अजूनही याठिकाणी बचावकार्य सुरुच आहे.फलक काढण्याकरता अडचणींचा डोंगर उभा राहिला असून प्रशासनाकडून युद्धपातळीवर प्रयत्न सुरू आहेत.

पाहा व्हिडीओ

हेही वाचा >> VIDEO: दोघांनी हात पकडला, धबधब्यात उडी मारली, एक जण वर आलाच नाही; पालघरमध्ये नेमंक झालं काय?

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी स्वत: घटनास्थळी जाऊन परिस्थितीचा आढावा घेतला. या दुर्घटनेत मृतांच्या नातेवाईकांना मुख्यमंत्री सहाय्यता निधीतून ५ लाख रुपयांची मदत केली जाईल.  या जाहिरातीच्या फलकालाच्या मंजुरीवरून सध्या आरोप-प्रत्यारोप केले जात आहेत.

वडाळ्यातही पार्किंग टॉवर कोसळला

दुसरीकडे कांजूरमार्ग पूर्वच्या इंदिरानगर भागात एका बिल्डिंगचं छप्परही कोसळलं. तर वडाळ्यातही बघता बघता पार्किंग टॉवर कोसळला.