मुंबई लोकलचा एवढा कायापालट? कल्याणपर्यंत ‘ही’ सुपर फास्ट ट्रेन धावणार का? बघून तुम्हीही व्हाल लोटपोट

सोशल मीडियावर @malangad__45 या अकाउंटवर शेअर करण्यात आलेल्या एका व्हिडिओमध्ये मुंबई लोकलच्या रुळावरून चक्क एका जेसीबी धावत असल्याचे दिसत आहे. तुम्हाला आठवत असेल तर जेसीबीची गाडी ही मध्यंतरी मीमर्स लोकांमध्ये खूप ट्रेंडिंग विषय होता आणि त्यात आता रुळावरून जेसीबीची पळापळ बघताना नक्कीच नेटकरी थक्क झाले असणार. स्थानकात उपस्थित असणाऱ्या एका प्रवाशाने हा व्हिडीओ शूट केला होता आणि आता सोशल मीडियावर ही कल्याणपर्यंत धावणारी नवीन सुपर फास्ट ट्रेन अशा कॅप्शनसह हा व्हिडीओ व्हायरल झाला.

हे ही वाचा<< IND vs PAK दरम्यान प्रेक्षकांनी दिल्या हिंसक मुस्लिम विरोधी घोषणा! Video मुळे वाद सुरु, तुम्हाला हे माहितेय का?

अर्थातच जितका व्हिडीओ विचित्र असतो तितक्याच कमेंट्स सुद्धा क्रिएटिव्ह असतात हे सोशल मीडियाचं गणित तुम्हालाही माहित असेल. त्यामुळे या ही व्हिडिओवर नेटकऱ्यांनी भन्नाट मजेशीर कमेंट करून धम्माल केली आहे. ‘प्रवाशांनी पुढच्या फळीत बसून जायचं का?’, ‘अरे वाह्ह ही तर जेसीबी एक्सप्रेस’ अशा असंख्य कमेंट्स या पोस्टवर आहेत. काहींनी तर हा व्हिडीओ एडिट केलेला असावा अशीही शक्यता वर्तवली आहे.