Mumbai local video goes viral: मुंबई लोकलच्या दोन डब्यांमधील जागेत उभं राहून एक तरुण जीवघेणा प्रवास करत आहे. हा व्हिडीओ सोशल मीडियावर व्हायरल होत असून पाहू तुमच्याही अंगावर काटा येईल. काळी कामावर जाताना रोजची ट्रेन चुकली तर ऑफिसात जायला उशीर होणार या भीतीने मुंबईकर लोकलच्या मागे जीव मुठीत धरून धावतो आणि लोकलमध्ये चढतो. काही मंडळी अक्षरश: पूर्ण ताकत एकवटून डब्यात शिरण्याचा प्रयत्न करतात. पण, खरंच आयुष्यापेक्षा नोकरी महत्वाची आहे का? तर मुंबईकरांनो कोणतीच गोष्ट तुमच्या जीवापेक्षा मोठी नाही. त्यामुळे पाच मिनिटं उशीर झाला तरी चालेल, पण असा जीवघेणा प्रवास नको.
तरुणाचा जीवघेणा प्रवास
या व्हिडीओमध्ये तुम्ही पाहू शकता, लोकलमध्ये प्रचंड गर्दी दिसत आहे. वेळेत ऑफिसला जाणाच्या गडबडीत प्रत्येक जण ठरलेली लोकल पकडण्याचा घाईत असतो. मुंबईच्या लोकलमधील दोन डबे डोडलेले असतात. यामध्ये थोडीशी जागा असते, व्यवस्थित उभे राहता येईल अशी ती जागा नसते मात्र हा तरुण स्वत:चा जीव धोक्यात घालून त्याठिकाणी ऊभा आहे. यावेळी तरुणानं थोडीशी जरी हालचाल केली तरी तो लोकलमधून पडण्याची शक्यता आहे. एवढी रिस्क घेऊन हा तरुण प्रवास करत आहेत. मुंबईकर ही कसरत दररोज करतात अन् त्यांच्या या कसरतीचा एक व्हिडीओ सध्या सोशल मीडियावर व्हायरल होत आहे.
लाईफलाईन की मृत्यूचा सापळा?
मुंबईची जान म्हणजे लोकल ट्रेन…सोमवार असो की रविवार मुंबईकरत कधी थांबत नाही. मुंबईची लाइफलाइन म्हणून ओळख असलेली लोकल मृत्यूचा सापळा बनत आहे. त्यामुळे तुम्हीही मुंबईकर असाल तर प्रवास करताना स्वतःची काळजी घेतलीच पाहिजे. कारण आपल्या जीवापेक्षा मोठी कोणतीच नोकरी नाही किंवा काम नाही.
पाहा व्हिडीओ
हेही वाचा >> VIDEO: ‘आमच्या ट्रेनमध्ये चढू नका’ बदलापुरात लोकल ट्रेनचे दरवाजे आतून केले बंद; संतप्त प्रवाशांचा गोंधळ
हा व्हिडीओ @aamchi_mumbai या अकाउंटवरून शेअर करण्यात आला असून व्हिडीओला लाखो व्ह्यूज मिळाले आहेत. मुंबईकरांनी यावर संतापजनक प्रतिक्रियाही दिल्या आहेत.
