Mumbai local dance video: मुंबईकरांची लाईफलाईन समजली जाणारी लोकल सर्वसामान्यांच्या आयुष्यातील महत्त्वाचा घटक आहे. लोकल ही मुंबईची जीवनवाहिनी आहे. आतापर्यंत तुम्ही मुंबई लोकलमधील महिलांच्या भांडणाचे अनेक व्हिडीओ पाहिले असतील. लोकलमधली महिलांची भांडण काही नवी नाही, मात्र आता महिलांच्या डब्यातून समोर आलेला व्हिडीओ हा अगदी याच्या उलट आहे. रेल्वेतून प्रवास करत असताना अनेक लोक डान्स, कला, रील्स किंवा वेगवेगळ्या प्रकारचे व्हिडीओ शूट करणं पसंत करत असतात. सोशल मीडियावर असे व्हिडीओ मोठ्या प्रमाणात व्हायरलही होत असतात. असाच एक व्हिडीओ सोशल मीडियावर चांगलाच व्हायरल झाला आहे. यामध्ये मकरसंक्रातीनिमित्त लोकलमध्ये भन्नाट डान्स केला आहे. हा व्हिडीओ पाहून तुम्हीही त्यांच्यासारखं गाण्यावर थिरकायला लागाल.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

पौष महिन्यातील महत्त्वाचा सण म्हणजे मकर संक्रांत. दरवर्षी १४ जानेवारीला आपण मकर संक्रात साजरी करतो. याचनिमित्तानं या सर्व महिला काळ्या रंगाच्या साड्या नेसून लोकलमध्ये आल्या आहेत. यावेळी या महिलांनी लोकलमध्येच एक भन्नाट डान्स केलाय. सुपली सोन्याची रे सुपली सोन्याची या मराठी ट्रेंडींग गाण्यावर या महिलांनी डान्स केला. या महिलांच्या स्टेप्स पाहून तुम्हीही अवाक् व्हा. विशेष म्हणजे धावत्या लोकलमध्ये त्यांनी हा डान्स केला. सार्वजनिक ठिकाणी रिल्स बनवून प्रसिद्ध होण्यासाठी तरुण-तरुणी प्रयत्न करत असतात. असाच प्रयत्न या महिलांनी केला. हे गाणंही सध्या ट्रेंडिंगवर आहे आणि याच पार्श्वभूमीवर मुंबई लोकलमधील एक व्हिडीओ व्हायरल होत आहे. लाखो लोकांनी पाहिलेला हा व्हिडीओ तुम्ही पाहिला नसेल तर लगेच पाहा.

या व्हिडीओमध्ये तुम्ही पाहू शकता, एकूण चार जणी या गाण्यावर भन्नाट डान्स करत आहेत. प्रत्येकीने साडी नेसली असून चालत्या लोकलमध्ये या महिला थिरकताना दिसत आहेत. यावेळी या महिला जराही तोल न जाऊ देता परफेक्ट डान्स करताना पाहून सर्वच जण या महिलांचं कौतुक करत आहेत. या ठिकाणी लोकल थोडीफार रिकामी असल्यानं त्यांना मोकळी जागा मिळाली आणि याचा या महिलांनी त्याचा पुरेपूर उपयोग करून घेतला. काही दिवसांपूर्वी असाच एक व्हिडीओ या तरुणींचा व्हायरल झाला होता त्यानंतर आता पुन्हा नवा व्हिडीओ व्हायरल झाला आहे.

पाहा व्हिडीओ

हेही वाचा >> VIDEO: बापरे! सिंहीण करत होती बिबट्याची शिकार, पण तेवढ्यात…तुम्ही कल्पनाही केली नसेल असा झाला शेवट

सोशल मीडियावर हा व्हिडीओ sawantvibhuti911 नावाच्या इन्स्टाग्राम अकाउंटवरून शेअर करण्यात आला असून, हा व्हिडीओ नेटकऱ्यांच्या चांंगलाच पसंतीस उतरला आहे. अनेकांनी या महिलांचं घर संसार सांभाळून आपली आवड जपत असल्यामुळे कौतुक करत व्हिडीओ शेयर करण्यास सुरुवात केली आहे. याशिवाय धावत्या रेल्वेत सर्वांसमोर डान्स करायला धाडस लागतं, असं म्हणत अनेकांनी डान्सला दाद दिली आहे