Mumbai Local Train Viral Video : आलिशान हॉटेल्स, बहुमजली इमारती, झोपडपट्ट्या, झोपडपट्ट्यांनी खचाखच भरलेली महाराष्ट्राची राजधानी असलेल्या मुंबईची गर्दी इतर शहरातील गर्दीपेक्षा वेगळी आहे. या गर्दीत प्रत्येक व्यक्ती एकटा आणि स्वतंत्र दिसतो. इथे सोबत चालणारी माणसं पुढच्या क्षणी एकटे राहण्याची सहज तयारी करून भेटतात.मुंबईमध्ये पोटाची खळगी भरण्यासाठी येणाऱ्या लोकांमुळे ही गर्दी वाढत आहे. या मुंबईमधली गर्दी हीच तिची खरी ओळख आहे असं म्हणायला हरकत नाही. याआधी मुंबई लोकलसंदर्भात अनेक व्हिडीओ तु्म्ही पाहिले असतील परंतु आता लोकांनी रेल्वे ट्रॅकवरच संसार थाटला आहे. याचा व्हिडिओ सध्या सोशल मीडियावर व्हायरल होतोय.
माहिम जंक्शनवरच्या या व्हिडीओनं सर्वांचंच लक्ष वेधून घेतलं आहे. मुंबईत लोक वेगवेगळ्या राज्यातून पैसे कमावण्यासाठी येतात. अनेकदा तर रस्त्यावर झोपडी बांधून, कधी रेल्वे ट्रॅकवर, प्लॅटफॉर्मवर राहतात. तिथेच झोपतात. असाच एक रेल्वे ट्रॅकवर राहणाऱ्या लोकांचा व्हिडिओ सध्या सोशल मीडियावर प्रचंड व्हायरल होत आहे. या व्हिडीओमध्ये तुम्ही पाहू शकता, लोकांनी रेल्वे ट्रॅकवरच तंबू ठोकले आहेत. तिथेच ते ज्वण बनवताना दिसत आहे. कपडे वाळत घातले आहेत. कोणी जुगार खेळतंय तर कुणी निवांत रेल्वे टेरॅकवर झोपलेलं दिसतंय. अशातच लहान मुलेही ट्रॅकवर खेळताना दिसत आहेत.
पाहा व्हिडीओ
हेही वाचा >> ८३ हजाराचा कुत्रा चोरला; महिलेनं कारच्या बोनटवर बसून केला चोरांचा पाठलाग; VIDEO चा शेवट पाहाच
हा व्हिडीओ Aamchi Mumbai या एक्स अकाउंटवरुन शेअर करण्यात आला आहे. ‘चोर, गुन्हेगार, दहशतवादांची नवीन कॉलनी तयार होत आहे’. असे कॅप्शन या व्हिडिओला दिले आहे. मुंबई लोकलमधून रोज ८० लाख प्रवासी प्रवास करतात. यात ४५ लाख मध्य रेल्वेचे प्रवासी आहेत. सकाळी गर्दीच्या वेळी जलद आणि धीम्या लोकल मिळून सुमारे ९०हून अधिक लोकल धावतात.
