Video : मांजर करु शकते; मग तुम्ही का नाही?; मुंबई पोलिसांचा हा व्हिडिओ नक्की बघा

Need we say more? #TrafficDiscipline pic.twitter.com/TupYEIhXV2

— Mumbai Police (@MumbaiPolice) January 12, 2018

हा व्हिडिओ जवळपास १ मिनिटाचा असून या फोटोला काही कॅप्शन देण्याची गरज आहे? अशी कॅप्शन या व्हिडिओला देण्यात आली आहे. रस्ता क्रॉस करताना आपण अनेकदा घाई करतो आणि त्यामुळे अपघात होण्याची शक्यता असते. पण रस्त्यावरुन भरधाव वेगाने वाहने येत असल्याने व्हिडिओमधील मांजर बराच वेळ रस्ता क्रॉस न करता थांबून राहते. सगळी वाहने गेल्यानंतर ती शांतपणे रस्ता क्रॉस करते. त्यामुळे नागरिकांनीही रस्ता क्रॉस करताना योग्य ती काळजी घ्यावी हे कोणताही मेसेज न लिहीता मुंबई पोलिस आपल्या फॉलोअर्सना सांगत आहेत.

मुंबई पोलिसांचे ट्विटर अकाऊंट फॉलो करणाऱ्यांची संख्या दिवसेंदिवस वाढत असून त्याला नागरिकांकडून अतिशय चांगला प्रतिसाद मिळत आहे. १४०० जणांनी हा व्हिडिओ रिट्विट केला असून ३७०० जणांनी तो कमी कालावधीत लाईक केला आहे. आता मुंबई पोलिसांच्या ट्विटरवर त्यांना ४२ लाख जण फॉलो करत आहेत. त्यामुळे त्यांच्यापर्यंत एखादा चांगला संदेश पोहचविण्यासाठी मुंबई पोलिस या माध्यमाचा अतिशय चांगला वापर करत आहेत.