Viral Video : सोशल मीडियावर दरदिवशी अनेक व्हिडीओ व्हायरल होत असतात. काही व्हिडीओ मजेशीर असतात तर काही व्हिडीओ थक्क करणारे असतात. कधी कोणी गाणी म्हणताना दिसतात, तर कधी कोणी डान्स करताना दिसतात. कधी कोणी अनोखा जुगाड सांगताना दिसतात तर कधी कोणी आजुबाजूला घडणाऱ्या गोष्टी कॅमेऱ्यात कैद करून सोशल मीडियावर शेअर करतात. (a legendary Marathi poet mangesh padgaonkars famous poem sanga kss jagaych lines on the wall of washi mumbai inspiring mumbaikars video goes viral)
सध्या असाच एक व्हिडीओ व्हायरल होत आहे. हा व्हिडीओ मुंबईच्या रस्त्यावरील आहे. या व्हिडीओमध्ये रस्त्याच्या एका बाजूला भिंतीवर ज्येष्ठ कवी आणि साहित्यिक मंगेश पाडगावकरांच्या एका प्रसिद्ध कवितेच्या ओळी लिहिल्या आहेत. या ओळी वाचून तुम्हीही थक्क व्हाल आणि तुम्हाला जगण्याची प्रेरणा मिळू शकते. सध्या हा व्हिडीओ सोशल मीडियावर चांगलाच व्हायरल होत आहे.
या व्हायरल व्हिडीओमध्ये तुम्हाला चौकात रस्त्याच्या एका बाजूला भिंतीवर मोठ्या अक्षरात पाडगावकरांच्या प्रसिद्ध कवितेच्या ओळी लिहिलेल्या दिसेल. या भिंतीवर लिहिलेय,
“सांगा कसं जगायचं?
कण्हत कण्हत
की गाणं म्हणत
तुम्हीच ठरवा!”
-मंगेश पाडगावकर
या चौकात सिग्नलवर थांबलेल्या लोकांची नजर आपोआप या भिंतीकडे जाते. एका जणाने याचा व्हिडीओ शूट केला आहे जो सध्या व्हायरल होत आहे. व्हिडीओवर लिहिलेय, “आज वाचलेली सुंदर ओळ” हा व्हिडीओ वाशी, नवी मुंबईचा आहे.
पाहा व्हिडीओ
marathi_manus_pradip या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “जगायचं गाणं म्हणतं… हे जीवन पुन्हा नाही.”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “पायात काटे रुतून बसतात
हे अगदी खरं असतं,
आणि फुलं फुलून येतात
हे काय खरं नसतं?
काट्यांसारखं सलायचं की फुलांसारखं फुलायचं
तुम्हीच ठरवा!
सांगा कसं जगायचं?
कण्हत कण्हत की गाणं म्हणत
तुम्हीच ठरवा !”
तर एका युजरने या जागेविषयी माहिती सांगताना लिहिलेय, “वाशी नवी मुंबई, अरेंजा कॉर्नर” आणखी एका युजरने लिहिलेय, “आपली वाशी” एक युजर लिहितो, “हा आमचा महाराष्ट्र”
