Dadar railway station: मुंबई शहरातील सर्वात गजबजलेले आणि गर्दी असणारं स्टेशन अशी दादर रेल्वे स्थानकाची ओखळ आहे. कोणत्याही वेळेला दादर रेल्वे स्थानकावर गर्दी पहायला मिळते. गर्दीवर नियंत्रण ठेवण्यासाठी येथे २४ तास पोलिस तैनात असतात. आता मात्र, या गर्दीवर कायस्वरुपी तोगडा मात्र निघत नाही. याच गर्दीचा फायदा घेत चोर हातसफाइ करतात, याचाच फटका रोज हजारो पर्यटकांना बसतो. सध्या सोशल मीडियावर दादर स्टेशनवरील असाच एका चोराचा व्हिडीओ प्रचंड व्हायरल होताना दिसत आहे.
रेल्वे स्थानकात प्रवाशांच्या मोबाईल चोरीच्या घटनांमध्ये वाढल्या आहेत. चोर रेल्वे स्थानक परिसरात गर्दीचा फायदा घेत चोऱ्या करतात. या व्हिडीओमध्ये तुम्ही पाहू शकता, चक्क एक लहान मुलगा चोरी करण्याच्या तयारीत दिसत आहे. रेल्वे स्टेशनवर प्रवासी उभे आहेत, ते ट्रेन येण्याची वाट बघत असताना, हा मुलगा सर्व प्रवाशांना निरखून पाहत आहे. जणू तो चोरी करायच्या पूर्वी स्रव गोष्टींचा अंदाज घेत आहे. यावेळी तो थोडासा पुढे जातो आणि चोरी करुन पळून जातो. व्हिडीओ काढणारी मुलगी नंतर ओरडतो तरी तो पळून जाण्यात यशस्वी होतो.
पाहा व्हिडीओ
हेही वाचा – VIDEO: पोसणारा निसर्ग जेंव्हा कोपतो! हिमाचलमध्ये मानवाने केलेला कचरा निसर्गाने कसा परत केला पाहा
हा व्हिडीओ एका मुलीने काढला असून सध्या सोशल मीडियावर व्हायरल होत आहे. व्हिडीओ पाहून नोटकरीही संतापले असून रोज अशा गोष्टींना सामोरे जावं लागत असल्याची प्रतिक्रिया देत आहेत. दादर सारख्या गजबजलेल्या स्टेशवर चोरी करणं हे चोरांसाठी डाव्या हातचं काम झालं आहे. अनेकदा कारवाई करुनही या घटना कमी होताना दिसत नाहीत.
