Mumbai local video: मुंबई लोकल ही मुंबई शहराची लाईफलाईन आहे. मुंबई लोकलचे अनेक व्हिडीओ व्हायरल होत असतात. लोक इथे रिल्स बनवतात, फॅशन करतात. कधी कधी विचार येतो मुंबईची लोकल नसती तर मुंबईचं काय झालं असतं? इतक्या मोठ्या शहराला लोकलनेच सांभाळून घेतलंय. बाहेरून येणारे लोक सुद्धा या लोकलला बघण्यासाठी येतात. मुंबई लोकल ट्रेनला मुंबईच हृदय म्हणतात. लोकल ट्रेन बंद पडली तर मुंबईच थांबते. अशी ही मुंबईचा जीव असणारी लोकल ट्रेन सध्या वेगळ्याच कारणामुळे चर्चेत आहे. मुंबई लोकलमधील भांडणाचे आणि मारामारीचे सत्र वाढतच चालले आहे. गेल्या काही दिवसांपासून ट्रेनमध्ये झालेल्या मारामारीचे आणि भांडणांचे व्हिडीओ सोशल मीडियावर व्हायरल झाले आहेत. मुंबईतील लोकल ट्रेनमध्ये महिलांमधील हाणामारी काही नवीन नाही. जागेच्या वादातून महिलांमध्ये तुफान मारामारीचे अनेक व्हिडीओ आपण पाहिले आहेत. याचमुळे महिलांचा डबा हा नेहमीच चर्चेत असतो. मात्र सध्या हा महिलांचा डबा वेगळ्याच कारणामुळे चर्चेत आला आहे.
एसी लोकलमधला व्हिडीओ सोशल मीडियावर तुफान व्हायरल झाला आहे.कारण या महिलांच्या डब्याला वेगळं रुप दिलं आहे. लोकलच्या भिंती नेहमीपेक्षा वेगळ्या पद्धतीने पाहून तुम्हीही अवाक् व्हाल. इतर वेळी डब्यात अस्वच्छ पोस्टरने भरलेल्या भिंती पाहायला मिळतात. मात्र या एसी लोकलमध्ये महिलांचा डबा पूर्णपणे गुलाबी रंगाने सजवला आहे. ट्रेनच्या लेडीज डब्बा पूर्णपणे गुलाबी आणि नीटनेटका दिसत आहे. सीट्स वगळता संपूर्ण कोच गुलाबी रंगाचा दिसत आहे. हा व्हिडिओ इंस्टाग्राम पेजवर शेअर करताना युजरने लिहिले, तुम्ही मुंबईच्या सर्वात सुंदर लोकलमध्ये प्रवास करत आहात”.
पाहा व्हिडीओ
हेही वाचा >>मुंबई लोकलमधली भांडणं आता थांबणार! या प्रवाशानं ट्रेनमध्ये बसण्यासाठी शोधला अजबच जुगाड; VIDEO एकदा पाहाच
हा व्हिडिओ ३० ऑक्टोबर रोजी सोशल मीडिया प्लॅटफॉर्मवर अपलोड करण्यात आला. काही दिवसांतच, व्हिडिओने इंटरनेट वापरकर्त्यांचे लक्ष वेधून घेतले आहे आणि मुंबई एसी लोकलच्या महिला कोचच्या सर्व गुलाबी इंटीरियरचं कौतुक करत आहे. एकानं म्हंटलंय, “लाडक्या बहिणींसाठी आता हे सुद्धा” तर आणखी एकानं मस्तच अशी प्रतिक्रिया दिली आहे.
े
