Pandharpur Wari : येत्या २९ जूनला आषाढी एकादशी आहे. यानिमित्त महाराष्ट्रात वारी सुरू झाली आहे. महाराष्ट्राच्या कानाकोपऱ्यातून विठ्ठल भक्त पायी पंढरपूरच्या दिशेने निघाले आहे. वारकरी भजन, भक्तिगीते आणि अभंग गीते म्हणत विठ्ठलाची आराधना करताना दिसत आहे. सध्या सोशल मीडियावर वारीतील अनेक फोटो आणि व्हिडीओ व्हायरल होत आहे. असाच एक अनोखा व्हिडीओ सध्या चर्चेत आहे.
महाराष्ट्राच्या संस्कृतीची ओळख असलेली ही वारी वर्षानुवर्षांपासून चालणारी महाराष्ट्राची एक परंपरा आहे. या वारीत जातिभेद किंवा धर्मभेद नसतो. येथे फक्त विठ्ठलाचे भक्त वारकरी असतात.
हेही वाचा : Optical Illusion : या निसर्गरम्य चित्रात लपली आहे एक मुलगी; क्लिक करून एकदा नीट पाहा..
व्हायरल होत असलेल्या एका व्हिडीओमध्ये एक मुस्लीम व्यक्ती वारीत सहभागी झालेली दिसत आहे आणि एका वारकरी बांधवासोबत विठ्ठलाच्या भजनाच्या तालावर नाचताना दिसत आहे. व्हिडीओमध्ये तुम्हाला पुढे दिसेल की वारकरी बांधवासोबत हा मुस्लीम व्यक्ती फुगडीसुद्धा खेळताना दिसत आहे. हा सुंदर व्हिडीओ सध्या सोशल मीडियावर चांगलाच व्हायरल होत आहे.
हा व्हिडीओ पाहून कोणीही भावुक होणार. जात-धर्म बाजूला ठेवून मुस्लीम व्यक्ती वारीचा आनंद घेताना दिसत आहे. माणुसकी हाच खरा धर्म आहे, असे या व्हिडीओतून दिसून येत आहे.
हेही वाचा : रसगुल्ला भरवणे पडले महागात, नवरदेवाला भर मांडवात नवरीने चोपले!
@Samraatraao या ट्विटर अकाउंटवरून हा व्हिडीओ शेअर करण्यात आला असून व्हिडीओच्या कॅप्शनमध्ये लिहिले आहे, “संस्कृती महाराष्ट्राची #वारी”
युजरला हा व्हिडीओ खूप आवडला असून अनेक युजर्स हा व्हिडीओ शेअर करताना दिसत आहे.
