…म्हणून कोट्यवधी किंमतीच्या हस्तीदंतांची केली राखरांगोळी

म्यानमारच्या नैसर्गिक स्त्रोत मंत्रालयाद्वारे २७७ हस्तीदंत, २२७ प्राण्यांची हाडे, प्राण्यांची कातडी, फर आणि १ हजारांहून अधिक शिंगांची विल्हेवाट लावण्यात आली आहे. अशा कृतीतून तस्करीला रोख बसेल असं म्यानमारच्या मंत्रालयानं म्हटलं आहे.  यापूर्वीही तस्करी रोखण्यासाठी आफ्रिकेतील देशानं जप्त केलेले हस्तीदंत जाळून टाकले होते. चीनच्या काळ्या बाजारात हस्तीदंताना मोठी मागणी आहे. त्यामुळे अनेक मुक्या जीवांची शिकार करून त्यांना ठार मारलं जातं. ही समस्या इतकी मोठी आहे की दरवर्षी आफ्रिकेमध्ये शेकडो हत्तींची हस्तीदंतासाठी आमानुषपणे शिकार केली जाते. या कृतीतून तस्करांना हा इशारा देण्यात आला आहे असं म्यानमारच्या मंत्रालयानं म्हटलं आहे.